Бухорода жазманини қўрқитиб, ундан пул ундирмоқчи бўлган қиз ушланди

© Sputnik / Медиабанкка ўтишЖенские руки в наручниках
Женские руки в наручниках - Sputnik Ўзбекистон, 1920, 05.09.2021
Oбуна бўлиш
Фуқаро таниши билан ишқий муносабатда бўлиб келган. Кейин у хушторига ўз муносабатларини унинг оила аъзоларига ошкор қилишини айтиб қўрқитган.
ТОШКЕНТ, 5 сен — Sputnik. Бухоро вилояти Жондор туманида таниши билан бўлган ишқий муносабатини ошкор қилишини айтиб, товламачилик қилаётган қиз қўлга олинди. Бу ҳақда вилоят ИИБ матбуот хизмати хабар қилмоқда.
Маълум қилинишича, Ромитан туманида яшовчи 30 ёшли фуқаро Р.Ш. таниши И.К. билан ишқий муносабатда бўлиб келган. Қиз хушторига ўз муносабатларини унинг оила аъзоларига ошкор қилишини айтиб қўрқитган ва ундан пул талаб қилган.
Хушторидан суратларни тарқатмаслик учун 200 млн сўм олган аёл яна пул олаётганда ушланди
Фуқаро И.К. бу ҳақда ички ишлар бўлимига хабар қилган. Натижада аёл Жондор туманининг "Қозикент" маҳалласидаги "Зиё" кафесида жазманидан 330 минг сўм пулни олаётган вақтда ушланган.
Мазкур ҳолат юзасидан Р.Ш.га нисбатан Жиноят кодексининг 165-моддаси (Товламачилик) билан жиноят иши қўзғатилган.
Ҳозирда дастлабки тергов ҳаракатлари олиб борилмоқда.
Янгиликлар лентаси
0