Иқтисод

Ўзбекистон-Туркманистон чегараолди савдо зонасини ташкил этиш лойиҳаси якунига етказилади

© Пресс-служба МИВТ УзбекистанаУзбекистан и Туркменистан рассчитывают подписать соглашение о создании и регулировании деятельности зоны приграничной торговли.
Узбекистан и Туркменистан рассчитывают подписать соглашение о создании и регулировании деятельности зоны приграничной торговли. - Sputnik Ўзбекистон, 1920, 15.09.2021
Икки мамлакат ўртасида транспорт йўлакларини янада ривожлантириш, авиақатновларни босқичма-босқич қайта тиклаш, “Туркманбоши” денгиз порти инфратузилмасидан фойдаланиш истиқболлари кутилмоқда.
ТОШКЕНТ, 15 сен – Sputnik. Тошкентда Савдо-иқтисодий, илмий-техникавий, маданий-гуманитар ҳамкорлик бўйича Ўзбекистон-Туркманистон Ҳукуматлараро комиссиясининг 16-йиғилиши бўлиб ўтди. Бу ҳақда Инвистициялар ва ташқи савдо вазирлиги ахборот хизмати хабар берди.
Ўзбекистон бош вазирининг ўринбосари - инвестициялар ва ташқи савдо вазири Сардор Умурзаков ҳамда Туркманистон Вазирлар маҳкамаси раисининг ўринбосари Эсенмират Оразгелдиев ҳамраислигида бўлиб ўтган йиғилишда томонлар икки мамлакат иқтисодиётининг қиёсий устунликларини ҳисобга олган ҳолда саноат кооперациясини ривожлантириш бўйича келишиб олишди.
Келишувга мувофиқ энди икки мамлакат бозорларига ўзбек ва туркман маҳсулотларини барқарор етказиб беришни таъминлаш юзасидан амалий чора-тадбирлар кўрилади ҳамда ҳар икки томон ўзбек-туркман савдо айланмаси ҳажмини яқин келажакда 1 млрд долларга етказишга тайёр.
“Шунингдек, яқин келажакда Ўзбекистон-Туркманистон чегараолди савдо зонаси фаолиятини ташкил этиш ва тартибга солиш тўғрисидаги Битим лойиҳасини келишиш ҳам якунига етказилади”, - дейилган хабарда.
Шунингдек, томонлар транспорт йўлакларини янада ривожлантириш, авиақатновларни босқичма-босқич қайта тиклаш, 2022 йилда ўзаро тариф имтиёзларини тақдим этиш, “Туркманбоши” денгиз порти инфратузилмасидан фойдаланиш истиқболлари ҳамда бошқа ташаббусларни назарда тутувчи қўшма чораларни ишлаб чиқиш ва қабул қилишга келишиб олдилар.
Флаги Узбекистана и Туркменистана - Sputnik Ўзбекистон, 1920, 04.08.2021
Иқтисод
Ўзбекистон ва Туркманистон савдо айланмаси ҳажмини 1 млрд $ га етказиш режалаштирилмоқда
Ўзбек-туркман чегарасида трансчегаравий савдо зоналари яратилиши Умурзаковнинг ўтган йили май ойида Туркманистон Вазирлар маҳкамаси раисининг ўринбосари — ташқи ишлар вазири Рашид Мередов билан видеоконференцалоқа орқали музокараларида маълум бўлганди.
Маълумот ўрнида, ҳозирда Ўзбекистонда туркман капитали иштирокида 160 корхона фаолият кўрсатмоқда ҳамда жорий йилнинг биринчи ярмида икки мамлакат ўртасидаги товар айирбошлаш ҳажми ўтган йилнинг шу давридагига нисбатан 20 фоизга ошди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала