Жамият

"Валдай" клуби ва СМИТ экспертлари Тошкентда нималарни муҳокама қилиши маълум бўлди

© Sputnik / Evgeny Biyatov / Фотобанкка ўтишБлижневосточная конференция клуба "Валдай"
Ближневосточная конференция клуба Валдай - Sputnik Ўзбекистон, 1920, 20.09.2021
Марказий Осиёда ислоҳотлар, минтақавий хавфсизлик ва интеграция - ушбу ва бошқа мавзулар Ўзбекистон ва россиялик экспертлар муҳокамасида.
ТОШКЕНТ, 20 сен – Sputnik. Россиянинг “Валдай” клуби ҳамда Ўзбекистон Стратегик ва минтақалараро тадқиқотлар институти экспертлари бугун Тошкетда бўлиб ўтадиган Форума қандай мавзуларни муҳокама қилиши маълум бўлди, деб хабар қилмоқда Sputnik мухбири.
“Россия ва Ўзбекистон ҳамкорлигининг янги тарихий бочқичидаги тараққиёт ва хавфсизлик таҳдидлари” мавзусида бўлиб ўтадиган конференция уч сессиядан иборат бўлади.
Биринчи сессия “Марказий Осиёда ислоҳотлар ва тараққиёт: Ўзбекистон ва Россия ёндашувлари. Икки томонлама ҳамкорликнинг гуманитар жиҳатлари” мавзусига бағишланган бўлса,
Иккинчи сессия “Минтақавий хавфсизлик: ички ва ташқи таъсирлар”;
Учинчи сессия эса “Марказий Евроосиёда халқаро савдо ва интеграция” мавзуларида бўлиб ўтади.
Хабарда айтилишига кўра, анжуманнинг дастлабки сессияси очиқ, қолган иккита сесссияси ёпиқ форматда ўтиши кутилмоқда.
Анжуманда иштирок этиш учун икки томонлама муносабатлар бўйича етакчи халқаро мутахассислар, “Валдай” мунозаралар клубининг сиёсатшунослик, иқтисодиёт, хавфсизлик соҳасидаги нуфузли экспертлари, шунингдек, Россия ва Ўзбекистон йирик ОАВлари журналистлари йиғилган.
Форум давомида анжуман иштирокчилари Ўзбекистондаги ислоҳотлар билан танишадилар, минтақавий барқарорлик ва хавфсизликка доир таҳдидларни баҳолайдилар ва ушбу соҳаларда ўзаро манфаатли ҳамкорлик йўналишларини белгилайдилар.
Ундан ташқари Ўзбекистон-Россия стратегик шериклик ва иттифоқчилик муносабатларини ривожлантириш учун истиқболли ўсиш нуқталари ва ҳаракатлантирувчи омиллар бўйича эксперт қарашларни ишлаб чиқадилар.
Янгиликлар лентаси
0
Аввал янгилариАввал эскилари
loader