Жамият

Сўнгги икки йилда хиёнат туфайли оилавий ажрашишлар икки баробарга ошди

Измена - Sputnik Ўзбекистон, 1920, 21.09.2021
Маҳалла ва оила илмий-тадқиқот институти директори Ўзбекистонда ажримларнинг омиллари ҳақида маълумот берди.
ТОШКЕНТ, 21 сен – Sputnik. Ўзбекистонда 2021 йилнинг январь-июнь ойларида 19,4 минг та оила ажрашган. Бу ҳақда АОКАда ўтказилган брифингда Маҳалла ва оила илмий-тадқиқот институти директори Нодира Эгамбердиева маълум қилди.
“Маҳалла ва оила” илмий-тадқиқот институти Қорақалпоғистон Республикаси, Сирдарё, Хоразм, Наманган, Тошкент вилоятларида охирги 5 йил давомида ўз оиласидан ажрашган 400 дан ортиқ шахслар билан сўров ўтказган.
Сўров натижаларига кўра, оилавий ажралишларнинг энг кўп учрайдиган сабаблари эр ва хотин ўртасида доимий маиший-психологик даражадаги келишмовчиликлар, ўзаро меҳрнинг йўқлиги (30,2%), эр-хотиннинг оила аъзоларининг оиланинг турмушига доимий аралашуви, улар билан келишмовчилик (21,2%), оилавий хиёнат (17,1%) ҳисобланади.
Таъкидланишича, сўнгги икки йилда хиёнат туфайли оилавий ажрашишлар икки баробарга ошган.
Ссора между мужчиной и женщиной - Sputnik Ўзбекистон, 1920, 26.10.2020
Жамият
Энг кўп ажралиш қайси ҳудудда қайд этилди
10,3 фоизи респондентлар оиланинг иқтисодий аҳволини ўнглай олишганида ажралиш юз бермаслигини мумкинлигини таъкидлаганлар. Бундан ташқари, 12 фоиз аёллар турмуш ўртоғи ишга кириши ҳам шундай омил бўлиши мумкинлиги тўғрисида фикр билдирган.

Респондентларнинг атиги 0,9 фоизи “ажралишнинг ҳеч қандай ёмон оқибати бўлмади, ажрашганимдан хурсандман” дея жавоб берган. Эътиборли жиҳати, эркаклар бу жавобни умуман танламаган, яъни эркаклар орасида ажрашганлигидан мамнунлар учрамаган.
Сўровда иштирок этган ажрашган шахсларнинг ярмидан кўпроғи (51,5%) оилани сақлаб қолишнинг имкони бор эди деб ҳисоблаган.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала