Сиёсат

Тожикистон ҳукумати Ўзбекистонда қураётган боғчанинг очилиш санаси маълум бўлди

© Sputnik / Варвара Гертье / Фотобанкка ўтишДетский сад
Детский сад - Sputnik Ўзбекистон, 1920, 21.09.2021
Болалар боғчасини қуриш ишлари Тожикистон ҳукумати маблағлари ҳисобига амалга оширилган
ТОШКЕНТ, 21 сен - Sputnik. Тожикистон ҳукумати томонидан Ўзбекистонда барпо этилган болалар мактабгача таълим ташкилотининг тантанали очилиш маросими Фарғона вилояти Риштон туманида 24 сентябр куни бўлиб ўтади.
Бу ҳақда Sputnik Ўзбекистон мухбири хабар бермоқда.
"Тожикистон Республикаси президенти ташаббуси билан Фарғона вилояти Риштон тумани Уч ариқ МФЙ худудида замонавий лойиҳа асосида 2 қаватли қуввати 200 ўринга мўлжалланган “Капалак” номли мактабгача таълим ташкилоти қурилди. Янги очилган 63-сонли Давлат мактабгача таълим ташкилотига танлов асосида жами 53 нафар ходимлар қабул қилинган бўлиб, улардан 12 нафарини Олий маълумотли педагог ходимлар ташкил этади", - деб хабар берди Sputnik Ўзбекистон мухбирига МТВ вакили.
Тожикистон ҳукумати Риштон туманида 200 нафар тарбияланувчи учун боғча қуриш мақсадида 1 миллион 400 минг АҚШ доллари миқдорида маблағ ажратган эди.
Памятник Уч паҳлавон в Намангане открылся заново - Sputnik Ўзбекистон, 1920, 02.03.2020
Жамият
“Уч паҳлавон” ҳайкали - ўзбек, тожик ва қирғиз халқлари дўстлиги рамзи
Эслатиб ўтамиз, Риштон туманида боғча қуриш қарори Ўзбекистон президенти Шавкат Мирзиёевнинг 2018 йил март ойида Тожикистонга амалга оширган давлат ташрифи давомида эришилган эди.
Очилиш маросимида Тожикистон Республикаси Таълим ва фан вазири Имомзода Муҳаммадюсуф Саидали бошчилигидаги делегациянинг иштироки ҳам режалаштирилган.
Янгиликлар лентаси
0
Аввал янгилариАввал эскилари
loader