Кўпчилик президентликка номзодлар ўртасидаги телемунозаралар тарафдори – сўров

© Sputnik / Максим БлиновКак голосовали узбекистанцы в Москве на парламентских выборах
Как голосовали узбекистанцы в Москве на парламентских выборах - Sputnik Ўзбекистон, 1920, 23.09.2021
Oбуна бўлиш
Тадқиқотни ўтказиш вақтида 91,8% ўзбекистонликлар президент сайловлари бўлиб ўтишидан хабардор эканини билдирган.
ТОШКЕНТ, 23 сен – Sputnik. Республика “Ижтимоий фикр” жамоатчилик фикрини ўрганиш маркази президент сайловларига оид телефон орқали сўровнинг тўртинчи босқичи натижаларини эълон қилди.
Маълум қилинишича, сўров 30 августдан 10 сентябргача ўтказилган ва унда республиканинг барча ҳудудлари аҳолиси қатнашган.
“Сиз мамлакатнинг ижтимоий-сиёсий ва ижтимоий-иқтисодий ҳаётини кузатиб борасизми” деган саволга аксарият фуқаролар ижобий жавоб беришган. Шулардан 47,9% респондентлар мамлакатда кечаётган ижтимоий-сиёсий жараёнлар билан доимий равишда, 40,2% сўралганлар эса вақти-вақти билан қизиқади.
Тадқиқотни ўтказиш вақтида 91,8% ўзбекистонликлар президент сайловлари бўлиб ўтишидан хабардор эканини билдирган. 60,5% сўралганлар сайловолди кампаниясини кузатиб боришини таъкидлашган.
Телефон сўровида аниқланишича, 71,2% респондентлар сайлов бўйича тайёргарлик ҳақидаги ахборотни давлат телевидениесидан олмоқда. 46,5% сўров иштирокчилари бўлажак сайлов янгиликлари билан интернет орқали танишишларини айтишган.32,8% респондентлар учун асосий ахборот манбаси нодавлат ТВ каналлари ҳисобланади.
Сўров натижалари таҳлили шуни кўрсатдики, очиқ телемунозаралар президентликка номзодларнинг сиёсий дастурлари ҳақида маълумот олишнинг энг жозибали шакли ҳисобланади. Ушбу фикрга телефон сўровининг 46,5% иштирокчилари қўшилишган. 21,7% респондентлар эса номзодларнинг ишончли вакиллари иштирокидаги ток-шоуларга қизиқиш билдирган.
Сўров иштирокчилари уларга мустақил экспертлар, олимлар, таҳлилчиларнинг бўлажак сиёсий воқеа ҳамда номзодлар ва уларнинг сиёсий устуворликлари ҳақидаги фикрлари, шунингдек, номзодларнинг сайловчилар билан бевосита учрашувлари қизиқарли эканлигини таъкидлашган.
Логотип Организации по безопасности и сотрудничеству в Европе (ОБСЕ) - Sputnik Ўзбекистон, 1920, 15.09.2021
ЕХҲТ Ўзбекистондаги президент сайловларига 250 нафар кузатувчини юборади
Эслатиб ўтамиз, 24 октярь куни бўлиб ўтадиган президент сайловларида ХДПдан Мақсуда Ворисова, “Адолат” СДПдан Баҳром Абдуҳалимов, ЎзЛиДеПдан Шавкат Мирзиёев, "Миллий тикланиш" партиясидан Алишер Қодиров ҳамда Экологик партиядан Обломурадов Нарзулла Ўзбекистон президентлигига номзод сифатида рўйхатга олинган. 20 сентябрдан бошлаб президентликка номзодларнинг сайловолди ташвиқотларини бошлашга рухсат берилди.
Янгиликлар лентаси
0