Россия

Россия Украина орқали газ транзити бўйича мажбуриятларга риоя қилиш ниятида – Путин

© Sputnik / Алексей Дружинин / Фотобанкка ўтиш6 октября 2021. Президент РФ Владимир Путин проводит в режиме видеоконференции совещание по вопросам развития энергетики.
6 октября 2021. Президент РФ Владимир Путин проводит в режиме видеоконференции совещание по вопросам развития энергетики. - Sputnik Ўзбекистон, 1920, 07.10.2021
Россия президенти мамлакат Европага Украина орқали газ транзити бўйича барча шартномавий мажбуриятларини тўлиқ бажариши кераклигини таъкидлади.
ТОШКЕНТ, 7 окт – Sputnik. Россия томони Европага Украина орқали газ транзити бўйича барча шартномавий мажбуриятларини тўлиқ бажариши керак. Бу ҳақда Россия раҳбари Владимир Путин энергетика масалаларига бағишланган йиғилишда маълум қилди.
“Биринчидан, ҳеч кимни қийин аҳволга солиб қўймаслик керак, жумладан, бугунги кунда рус-украин муносабатлари билан боғлиқ барча жиҳатларга қарамасдан, Украинани. Иккинчидан эса, ҳамма томондан мутлақ ишончли ҳамкор сифатида “Газпромга” бўлган ишончни йўқотмаслик зарур”, - деди Путин.
У Россия Энергетика вазирлиги раҳбари Николай Шульгиновдан топшириқ ижроси таъминланишини назорат қилишни сўради.
Россия етакчисининг сўзларига кўра, “Газпром” компаниянинг ҳажмни камайтирганлик учун Украинага жарима тўлаши, лекин унинг ҳудудидан ўтмайдиган янги қувур тизимларида қазиб олишни кўпайтириши фойдалироқ деган хулосага келган.
Строительство газопровода Северный поток-2 в Германии - Sputnik Ўзбекистон, 1920, 01.10.2021
Колумнистлар
Европа газ бозори учун жангда АҚШ Россияга ютқазди
“Бироқ бундай қилмаслигингизни сўрайман. Транзитга оид барча шартномавий мажбуриятларга тўлиқ риоя қилиш керак”, - дея қўшимча қилди Путин.
Йиғилишда Путин Европага газни янги қувурлар орқали етказиб бериш замонавий асбоб-ускунадан фойдаланиш ва хом ашёни юқорироқ босим остида қазиб олиш имкониятлари эвазига атмосферага CO2 ташланмаларини 5,6 бараварга камайтиришга имкон берган бўлиши мумкинлигини қайд этди.
Шу билан бирга, Путиннинг сўзларига кўра, Украинанинг газ транспорт тизими орқали транзитни кўпайтириш мумкин, бироқ бу “Газпромга” зарар келтиради, янги инфотузилмалардан фойдаланиш эса йилига уч миллиард доллар иқтисод қилишга имкон берган бўларди.

Газнинг биржа нархлари воқеликни акс эттирмайди

Йиғилиш иштирокчилари Европадаги газнинг юқори нархига ҳам тўхтатиб ўтишди. Россия бош вазири ўринбосари Александр Новакнинг сўзларига кўра, биржа қиймати бозордаги реал вазиятни акс эттирмайди. У нархларнинг дастлабки ўсишига Лотин Америкасидаги жазира ёз сабаб бўлганини тушунтирди, ўшанда у ерга АҚШнинг суюлтирилган табиий гази йўлланган.
Бу бошқа бозорлардаги хом ашё тақчиллигига сабаб бўлган. Европада ерости омборларидаги етишмаслик ҳозир ўтган йил билан солиштирганда 25 миллирд кубометрга баҳоланмоқда.
Шахтер показывает уголь. Архивное фото - Sputnik Ўзбекистон, 1920, 28.09.2021
Колумнистлар
"Қора ёвузлик" Европада рекордлар ўрнатмоқда
“Буларнинг бари, албатта, жиддий омиллар, лекин мен спекулятив омиллар ҳам бугун нархларни жуда жиддий ошириб юборяпти деган бўлардим. Бунда биржа ўйинчиларини текшириш керак, ҳойнаҳой, чунки ҳозир нарх – у ҳозирги вазиятни холис акс эттирмайди”, - дея хулоса қилди Новак.
Ўз навбатида, Путин Россия спекулятив талаб ва шов-шувни камайтиш учун газ таклифини ошириши мумкинлигини таъкидлади, лекин буни Санкт-Петербургдаги биржада бажариш керак, Европадаги спот бозорида эмас.
У бу масалани яна бир бор муҳокама қилишни таклиф қилди ва Россия газни биржада ўзига зиён бўладиган тарзда сотмаслиги кераклигини урғулади.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала