Кабул, Афганистан - Sputnik Ўзбекистон, 1920
Афғонистонда вазият кескинлашуви
АҚШ қўшинларини Афғонистондан олиб чиқиб кетишини эълон қилгач, толиблар мамлакатнинг деярли барча ҳудудлари ўз хатти-ҳаракатларини фаоллаштирди. Улар кундан-кунга янги туманларни ўз назоратига остига олди. Вазият Афғонистоннинг Ўзбекистон ва Тожикистон билан чегарадош ҳудудларида кескинлашди.

Камилов: Афғонистон - имконият манбаи

© Abdul Qahar Balkhi / TwitterКамилов встретился с министром иностранных дел Талибана мавлави Амир Ханом
Камилов встретился с министром иностранных дел Талибана мавлави Амир Ханом - Sputnik Ўзбекистон, 1920, 08.10.2021
Ўзбекистон Афғонистонни "нотинч қўшни"дан Марказий ва Жанубий Осиё ўртасидаги кўприк ва янги икмониятлар манбаига айланишини учун ҳаракат қилмоқда.
ТОШКЕНТ, 8 окт - Sputnik. Афғонистон нафақат хавф-хатар, балким янги имкониятлар манбаидир, деди Ўзбекистон ташқи ишлар вазири Абдулазиз Камилов "Правда Востока" газетасига берган интервьюсида.
Афғонистонда ҳукумат алмашишидан сўнг мураккаб вазият юзага келгани, мамлакатнинг турли қисмларида террорчи гуруҳлар фаолият юритаётганиган қарамасдан, ушбу давлат янги имкониятлар манбаи деб қабул қилиш кераклигини таъкидлади вазир.
"Биз Афғонистоннинг нафақат хавф-хатар ва таҳдидлар, балки минтақавий конструктив ва яратувчан лойиҳаларга асос бўладиган янги имкониятлар манбаси эканини назарда тутишимиз лозим", - деди Камилов.
Шунингдек, дипломат Афғонистон 90 йилларда бўлгани каби “яккалаб қўйилган” давлатга айланишини олдини олиш кераклигини, қўшни давлатга инсонпарварлик ёрдами кўрсатиш - ўта муҳим эканини таъкидлади.
"Биз бу мамлакат билан чегарани очдик ва биринчи галда зарур бўлган маҳсулотлар — озиқ-овқат, нефть маҳсулотлари ва электр энергияси етказиб беришни қайта йўлга қўйдик", - деди Камилов.
Ундан ташқари расмий Тошкент Афғонистоннинг хорижий банкларда музлатиб қўйилган давлат активларини қайта очишни ёқлайди ҳамда жаҳон ҳамжамиятини Афғонистонда ижтимоий, иқтисодий ва инфратузилма лойиҳаларини амалга оширишни давом эттиришга даъват этмоқда.
Хулоса қилиб айтганда, Ўзбекистон Афғонистонни "нотинч қўшни"дан Марказий ва Жанубий Осиё ўртасидаги кўприк ва янги икмониятлар манбаига айланишини учун ҳаракат қилмоқда. Ва бу сиёсат узоқ муддатга мўлжалланган.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала