https://sputniknews.uz/20211012/toshkentda-afgon-veteranlariga-moddiy-yordam-korsatildi-20870381.html

Тошкентда афғон-ветеранларига моддий ёрдам кўрсатилди

Тошкентда афғон-ветеранларига моддий ёрдам кўрсатилди

Sputnik Ўзбекистон

Тошкент шаҳридаги Ғалаба боғида афғон-ветеранларига ижтимоий ҳимоя қилиш мақсадида тадбир ўтказилди. 12.10.2021, Sputnik Ўзбекистон

2021-10-12T12:59+0500

2021-10-12T12:59+0500

2021-10-12T13:00+0500

жамият

афғонистон

ветеранлар

уруш

https://cdn1.img.sputniknews.uz/img/07e5/0a/0c/20869902_0:256:2730:1792_1920x0_80_0_0_01320fcea7ff0b0ab02531210d518732.jpg

ТОШКЕНТ, 12 окт — Sputnik. 12 октябр куни Тошкент шаҳридаги Ғалаба боғида Ўзбекистон Veteran жангчи-фахрий ва ногиронлар бирлашмаси, Олмазор тумани ҳокимлиги ва Россия Федерацияси элчихонаси билан ҳамкорликда уруш қатнашчилари ва уруш ногиронларига тенглаштирилган жангчи фахрийларини ва фарзандлари, ватан ҳимоясида ҳалок бўлган оилалар аъзоларини ижтимоий ҳимоя қилиш мақсадида инсонпарварлик ёрдами кўрсатиш бўйича тадбир ўтказилди.Тадбир Тошкент шаҳар, Тошкент ва Сирдарё вилоятларидан 150 нафарга яқин иштирокчини қамраб олди. РФ элчихонаси ҳокимият вакиллари ва тадбир қатнашчилари Ғалаба боғидаги Она монументига гулчамбарлар қўйишди.Ветеран бирлашмаси раиси Таълат Мурадов йиғилишда нутқ сўзлади.Тадбир иштирокчилари Ғалаба боғида экскурсия қилдилар, экспонатлар, ёдгорликларни айланиб, зиёрат қилдилар.Россия элчихонаси ва бирлашма раҳбарияти томонидан бир марталик инсонпарварлик ёрдамлари жанговар ҳаракатлар чоғида ногирон бўлган, оёқ қўлидан ажраган жангчи-фахрийларга, жанговар ҳаракатлар чоғида ҳалок бўлган жангчилар оила аъзоларига, Афғонистонда жанговар ҳаракатлари қатнашчилари ва хизмат сафарида бўлган жангчи фахрий аёлларга, кам таъминланган, муҳтож ва бирлашма фаоли бўлган жангчи фахрийларга топширилди.Тадбир давомида меҳмонларга дастурхон ёзилиб, раҳбарият томонидан тайёрланган совғалар топширилди.Афғонистондаги урушда Ўзбекистондан 65 минг нафар киши иштирок этган, улардан 2000 нафари ногирон бўлиб қайтган, кейинчалик ногиронлар сони 5000 нафарга етди, 1 565 минг ўзбек ўғлони урушда ҳалок бўлган, 33 нафари бедарак йўқотди. Мустақиллик йилларида бедарак кетган ҳисобланган аскарларнинг тўрт нафари тирик топилган ва ватанга қайтарилган. Аммо 29 нафар аскар топилган эмас, уларни ота-оналари, яқинлари ҳалигача кутишади.Ўтган йилнинг ёз фаслида Ўзбекистон ҳукумати афғон урушида бедарак кетган аскарларни қидириш ишларини молиялаштириш ҳақида қарор қабул қилган.

2021

Янгиликлар

uz_UZ

жамият, афғонистон, ветеранлар, уруш