Тиббий буюмларни ишлаб чиқариш учун лицензия талаб қилинмаслиги белгиланди

© Pixabay / Rudy and Peter SkitteriansТаблетка, иллюстративное фото
Таблетка, иллюстративное фото - Sputnik Ўзбекистон, 1920, 13.10.2021
Oбуна бўлиш
Қонунда фармацевтика фаолиятининг айрим йўналишларига лицензия олиш талаб қилинмаслиги белгиланди.
ТОШКЕНТ, 13 окт – Sputnik. Президент Ўзбекистон Республикасининг айрим қонун ҳужжатларига ўзгартириш ва қўшимчалар киритиш тўғрисидаги қонунни имзолади.
Қонунга мувофиқ, айрим лицензияланадиган фаолият турлари билан рухсатнома ва хабардор қилиш орқали шуғулланишга рухсат берилганлиги муносабати билан бир қатор қонунларда лицензия талаби бекор қилинди.
Шунга кўра, Жиноят кодексига хабардор қилиш ёки рухсат этиш хусусиятига эга ҳужжатни олиш талаб этиладиган фаолият билан хабарнома юбормасдан ёки рухсат этиш хусусиятига эга ҳужжатсиз шуғулланиш жуда кўп миқдорда даромад олиш билан боғлиқ бўлганида жиноий жавобгарликка сабаб бўлишига оид жавобгарлик киритилди.
Маъмурий жавобгарлик тўғрисидаги кодексида ҳам мазкур ҳаракатлар учун жавобгарлик чоралари белгиланди.
“Дори воситалари ва фармацевтика фаолияти тўғрисида”ги Қонунда фармацевтика фаолиятининг қуйидаги йўналишларига лицензия олиш талаб қилинмаслиги белгиланди:
тиббий буюмларни ишлаб чиқариш, тайёрлаш, улгуржи реализация қилиш;
дори воситалари ва тиббий буюмларни яратиш бўйича
илмий-тадқиқот ишлари;
дори воситалари ва тиббий буюмлар сифатини назорат қилиш;
доривор ўсимлик хомашёсини қадоқлаш ва улгуржи сотиш.
Чемпионат WorldSkills Kazan 2019 - Sputnik Ўзбекистон, 1920, 18.09.2021
Ўзини ўзи банд қилган шахс сифатида мустақил ҳамширалик билан шуғулланишга рухсат берилади
Янгиликлар лентаси
0