https://sputniknews.uz/20211018/toshkentda-viloyatlardan-keluvchi-yolovchi-transportlar-uchun-avtoturargohlar-tashkil-etiladi-20945106.html

Тошкентда четдан келувчи йўловчи транспортлар учун автотураргоҳлар ташкил этилади

Тошкентда четдан келувчи йўловчи транспортлар учун автотураргоҳлар ташкил этилади

Sputnik Ўзбекистон

"Тошкент метрополитени фаолиятининг самарадорлигини ошириш чора-тадбирлари тўғрисида"ги президент қарори қабул қилинди. 18.10.2021, Sputnik Ўзбекистон

2021-10-18T10:06+0500

2021-10-18T10:06+0500

2021-10-18T10:12+0500

жамият

метро

https://cdn1.img.sputniknews.uz/img/767/19/7671973_0:155:2976:1829_1920x0_80_0_0_9844d2a3e95e350fa7e991f70cbd0a20.jpg

ТОШКЕНТ, 18 окт - Sputnik. Тошкент шаҳрига кириб келувчи йўловчи транспортлар учун 6 та метро бекати атрофида автотураргоҳлар ташкил этилади.Бу ҳақда "Тошкент метрополитени фаолиятининг самарадорлигини ошириш чора-тадбирлари тўғрисида"ги президент қарорида айтилган.Ҳужжатга мувофиқ, "Тошкент метрополитени” УК “Ўзбекистон темир йўллари” АЖ таркибидан Транспорт вазирлиги тизимига ўтказилиб, "Тошкент метрополитени" давлат унитар корхонасига ўзгартирилди. "Тошкент метрополитени" ДУК бошлиғи Вазирлар Маҳкамаси билан келишилган ҳолда транспорт вазири томонидан лавозимга тайинланади."Тошкент метрополитени" ДУК 2024 йил 1 январгача республикада ишлаб чиқарилмайдиган ва тегишли рўйхат бўйича импорт товарларни олиб киришда божхона тўловларидан (қўшилган қиймат солиғи ва божхона йиғимларидан ташқари) озод этилади. 2022 йил 1 июлгача 7 та метро бекатида (Беруний, Чорсу, Пахтакор, Олмазор, Туркистон, Қўйлиқ бозори, Чилонзор) транспорт ўтиш боғламалари; 2022 йил 1 октябргача Тошкент шаҳрига кириб келувчи йўловчи транспортлар учун 6 та метро бекати (Туркистон, Юнусобод, Чилонзор ва ер усти ҳалқа линиясининг 3, 4 ва 5-бекати) атрофида автотураргоҳлар ташкил этилади.2022 йил 1 январдан қуйидаги маълумот ва хизматларни ўз ичига олувчи мобил илова ишга туширилади: - метрополитен йўналишлари (уларнинг қурилиши бўйича маълумотлар); - бекатлар (улар атрофида жойлашган объектлар ва жамоат транспорти йўналишлари); - поездлар ҳаракати жадвали;- электрон тўлов. 2022 йил 1 апрелгача ер усти ҳалқа метро бекати йўналишида йўловчилар учун бепул WI-FI тизими билан боғлаш ва ер ости метро бекатларида мобил алоқа операторлари хизматларидан фойдаланиш имкониятлари яратилади. Қарор билан шунингдек, 2021–2023 йилларда Тошкент метрополитенида йўловчи ташиш ва поездлар ҳаракати хавфсизлигини таъминлашга қаратилган биринчи навбатдаги чора-тадбирлар режаси тасдиқланди.

https://sputniknews.uz/20211013/rossiyadan-toshkentga-metro-vagonlarining-navbatdagi-partiyasi-keladi-20892858.html

https://sputniknews.uz/20210630/toshkent-metropoliteniga-sharof-rashidov-nomini-berish-taklif-etildi-19469180.html

2021

Янгиликлар

uz_UZ

жамият, метро