Жамият

Айрим маҳалла қўмитаси ходимларининг маоши 35%га оширилади – янги қонун

© Sputnik / Рамиз БахтияровНациональная валюта Узбекистана — сум
Национальная валюта Узбекистана — сум - Sputnik Ўзбекистон, 1920, 22.10.2021
Хонадонлар сони мингдан ортиқ бўлган ўзини ўзи бошқариш органлари ходимлари маоши 35%га оширилади.
ТОШКЕНТ, 22 окт – Sputnik. Биринчи ноябрдан бошлаб, хўжакликлар сони 1000дан ортиқ бўлган маҳалла қўмиталари ходимлари маоши 35%га оширилади.
Бу ҳақида "Фуқароларнинг ўзини ўзи бошқариш органлари ходимларини ижтимоий қўллаб-қувватлашга доир қўшимча чора-тадбирлар тўғрисида”ги президент фармонида айтиб ўтилган.
Фармонга кўра, 2021 йил 1 ноябрдан бошлаб соҳа ходимларини ижтимоий қўллаб-қувватлаш ва уни молиялаштириш, уларга бухгалтерия хизматларини кўрсатиш бўйича қуйидаги муҳим ўзгаришлар амалга оширилади:
ҳудудида хонадонлар сони мингта ва ундан ортиқ бўлган фуқароларнинг ўзини ўзи бошқариш органлари ходимларининг ойлик лавозим маошлари 35%га оширилади;
фуқароларнинг ўзини ўзи бошқариш органларини сақлаш билан боғлиқ харажатлар тегишли маҳаллий бюджет маблағлари ҳисобидан молиялаштирилади;
фуқароларнинг ўзини ўзи бошқариш органлари ходимларини рағбатлантириш, уларга бухгалтерия хизматини кўрсатиш вазифасини туман (шаҳар) ҳокимликларидан туман (шаҳар) маҳалла ва оилани қўллаб-қувватлаш бўлимларига ўтказилади;
туман (шаҳар) маҳалла ва оилани қўллаб-қувватлаш бўлимлари ҳузурида юридик шахс мақомига эга бўлмаган Фуқароларнинг ўзини ўзи бошқариш органлари ходимларини рағбатлантириш жамғармаси ташкил этилади.
Фармонда айтилишига кўра, бугунги кунда ўзини ўзи бошқариш органлари жамиятимиздаги кўплаб ижтимоий-сиёсий, иқтисодий, маданий, ҳаётимиз учун зарур бўлган барча жараёнларда фаол иштирок этмоқда. Шу сабабли ҳам ушбу соҳа ходимларини ижтимоий қўллаб-қувватлаш – давр талаби, дейилган фармонда.
Маълумот учун, бугунги кунда Ўзбекистонда 9255та маҳалла фуқаролар йиғинлари мавжуд бўлиб улардан 1500 дан ортиғида мингдан ортиқ хонадонлар мавжуд.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала