Спорт

Шомуродовнинг мардлиги рақиб дарвозабонини ҳайратга солди

© AFP / ANDREAS SOLAROЭлдор Шомуродов
Элдор Шомуродов - Sputnik Ўзбекистон, 1920, 23.10.2021
Элдор Шомуродов ўзининг чиройли хулқи билан яна бир бор жаҳон ОАВлари саҳифаларида пайдо бўлди.
ТОШКЕНТ, 23 окт - Sputnik. Ўзбекистонлик футболчи Элдор Шомуродовнинг мардлиги "Будё-Глимт" жамоасининг россиялик дарвозабони Никита Хайкинни ҳайратда қолдирди, деб ёзмоқда бугун Россиянинг бир неча спорт нашрлари.

"Мен Элдор Шомуродовга раҳмат айтмоқчиман. У ўйиндан сўнг ўзини жуда тўғри ва мард тутди. Бизнинг йигитлар “Рома”нинг бир неча футболчилари билан футболка алмашишни сўрамоқчи эди, лекин бундай мағлубиятдан сўнг бу оғир бўлишини билишарди. Шу сабабли мен Элдордан илтимос қилдим. У ажойиб йигит экан, бизга бир неча майка олиб чиқиб берди", - деди Хайкин.

Кеча Норвегиянинг "Будё-Глимт" жамоаси ва "Рома" ўртасида бўлиб ўтган Европа Лигасининг 3-тур гурух учрашувида Жозе Моуриньо жамоаси, кутилмаганда катта ҳисобда (6:1) ютқизиб қўйди. Норвегияда бўлиб ўтган ўйинни томоша қилиш учун Италия жамоапининг минглаб мухлислари ҳам келган эди.
Бундай вазиятда, табиийни, ўйиндан сўнг жамоанинг кайфияти тушган, ҳеч ким ортиқча сентиментларга тайёр эмасди. "Рома" футболчилари ҳатто ечиниш хонасидан чиқишни исташмади. Лекин Европанинг энг машҳур жамоалари билан илк бор тўп сўрган "Будё-Глимт" футболчилари "Рома" жамоаси билан футболка алмашишни истарди.
Эслатиб ўтамиз, Элдор Шомуродов август ойида "Рома" билан 5 йиллик шартнома имзолади. Бундан олдин Элдор Италиянинг "Женоа" жамоасида 1 сезон тўп суриб 8та гол ўрган ва 1та голли узатма амалга оширган эди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала