Ҳодисалар

Самарқандда ўн кунда 8 киши ис газидан заҳарланиб, ҳалок бўлди

© Sputnik / Рамиз БахтияровМашина скорой помощи
Машина скорой помощи - Sputnik Ўзбекистон, 1920, 27.10.2021
Вилоятда шу ўн кун ичида ис газидан заҳарланиш билан боғлиқ 4 та ҳолат қайд этилган.
ТОШКЕНТ, 27 окт – Sputnik. Самарқанд вилоятида ўтган 10 кунда ис газидан заҳарланиш оқибатида 8 киши вафот этган. Уларнинг 5 нафари вояга етмаган болалардир. Бу ҳақда Пастдарғом тумани ФВБ вакили Сирожиддин Aбдуллаев брифингда маълум қилди.
Унинг сўзларига кўра, вилоятда шу ўн кун ичида ис газидан заҳарланиш билан боғлиқ 4 та ҳолат қайд этилган.
“Вилоятда ис газидан заҳарланиш оқибатида 8 киши вафот этган ва 1 киши оғир аҳволда шифохонага ётқизилган. Ҳалок бўлган 8 нафардан 5 нафари вояга етмаган болалардир”, - деди у.
Ҳолат юзасидан олиб борилган ўрганишларда табиий газ тармоғига уланган қўлбола иситиш печининг тутун чиқариш мўриси тозаланмасдан, кечаси печни ёқиб ухлаш оқибатида заҳарланиш ва ўлим ҳолати юзага келгани маълум бўлган.
Иккита ҳолатда иситиш печининг мўрисидан баҳор, ёз даврида ин қурган қушларнинг уяси чиққан бўлса, бошқа ҳолатда мўри ичига қушларнинг уй қурмаслиги учун латта тиқиб қўйиб, уни олиб ташламасдан, иситиш печидан фойдаланилгани аниқланган.
Оқибатда барча заҳарли газлар хона ичига тўпланиб, фуқароларнинг ўлимига сабаб бўлган.
Рука человека - Sputnik Ўзбекистон, 1920, 07.03.2021
Ҳодисалар
Қорақалпоғистонда беш киши ис газидан заҳарланиб ўлди
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала