Кластерларга кредитлар 24 ойга берилади- Мирзиёев

© AFP 2023 / AAMIR QURESHIХлопок
Хлопок - Sputnik Ўзбекистон, 1920, 28.10.2021
Oбуна бўлиш
Кластерлар пахта хом-ашёсини калавага айлантирганидан сўнг олган кредитини қайтаришни бошлайди.
ТОШКЕНТ, 28 окт - Sputnik. Қишлоқ хўжалигини жиддий ўзгаришлар кутмоқда, бу ҳақида Ўзбекистон президенти Шавкат Мирзиёев 27 октябрь куни бўлиб ўтган мажлисда хабар қилди.
Президент хусусан, соҳадада ҳосилдорликни келгуси 5 йилда 2 баравар ошириш, экспортини 7 миллиард долларга етказиш, хомашёни чуқур қайта ишлаш ва аҳоли бандлиги ва даромадларини янада ошириш каби вазифаларни қўйджи.
Ушбу ишларни амалга оширишда - кластерлар асосий таянч ва етакчи бўлади, - деди президент.
Чунки пахтачилик соҳасида ташкил қилинган кластерлар сўнгги йилларда яхши натижа кўрсатган. Хусусан, толани қайта ишлаш 2 баравар ошган, ип-калава ишлаб чиқариш - 2 баравар, тайёр маҳсулот ишлаб чиариш - 3 барввар ошиб соҳа даромади 3 миллиард долларга етган. Кластерларда инновацион ёндашув натижасида пахта ҳосилдорлиги ҳам 35-40 центнерга етган.
Лекин соҳада муаммолар ҳам бор. Хусусан - эскича молиялаштириш тартиби. Ҳозирги кунда кредитлар экинга тайёрлаш вақтидан бошлаб берилиши керак, лекин банклар буни кечиктириб, одатда фервал ойларида беришни бошлайди. Шунингдек, деҳқонлар кредитлар муддатини узайтириш ва миқдорини кўпайтиришни сўрашмоқда.
Бу тизим энди тўлиқ ўзгаради. Кредитлар бундан буён октябрь ойидан бошлаб 24 ойга ажратила бошлайди. уларнинг имтиёзли даври 11 ойдан 18 ойгача бўлади. Хуллас, кластер хом-ашёни ип калавага айлантирганидан сўнг кредитни қайтаради.
Ушбу соҳани ислоҳ қилиш учун бюджетдан 10 триллион сўм ва 100 миллион доллар ажратилади. Янги тизимни жорий этиш Молия вазирлиги ва Марказий банк зиммсига юклатилди.
Янгиликлар лентаси
0