Ҳодисалар

Тавбасига таянмади: террорчиларга қўшилиш учун қочиб кетган шахс қўшни мамлакатда ушланди

© Pexels / KindelНаручники, иллюстративное фото
Наручники, иллюстративное фото - Sputnik Ўзбекистон, 1920, 08.11.2021
Илгари у “Тавҳид ва жиҳод катибаси”га қўшилиш учун Ўзбекистондан чиқиб кетмоқчи бўлганида 4 йил озодликни чеклаш жазосини олган.
ТОШКЕНТ, 8 ноя – Sputnik. Давлат хавфсизлик хизмати (ДХХ) халқаро террорчилик ташкилотга алоқадорлиги учун қидирувда бўлган фуқарони хориждан Ўзбекистонга олиб келди. Бу ҳақда ДХХ матбуот хизмати хабар бермоқда.
Хизмат маълумотларига кўра, 26 ёшли С.С. интернет тармоғи орқали Суриядаги “Тавҳид ва жиҳод катибаси”* террорчилик ташкилоти аъзоларининг таъсирига тушиб қолган.
У ўзининг танишлари билан “Телеграм”да виртуал гуруҳ ташкил этиб, экстремистик оқимлар ва халқаро терроричилик ташкилотлар ғоявий раҳнамоларининг “жиҳод”га чорловчи материалларини унга жойлаган.
Шунингдек, Суриядаги “Тавҳид ва жиҳод катибаси”га қўшилиш учун Ўзбекистондан чиқиб кетмоқчи бўлишган.
Руки в наручниках - Sputnik Ўзбекистон, 1920, 30.09.2021
Ҳодисалар
ДХХ 16 февраль воқеаларига алоқадор террорчини қўлга олди
Кўрилган чора-тадбирлар натижасида уларнинг ноқонуний ҳаракатлари фош этилган. 2018 йилнинг июнь ойида С.С. ва унинг жиноий алоқаларига нисбатан қўзғатилган жиноят иши юзасидан сайёр суд мажлиси ўтказган. Унга нисбатан инсонпарварлик тамойили қўллаган ҳолда 4 йил озодликни чеклаш жазоси тайинланган.
Бироқ С.С ўз хатоларидан тўғри хулоса чиқармаган. Суриядаги жангарилар сафига қўшилиш мақсадида айланма йўллар орқали давлат чегарасини кесиб ўтиб, Марказий Осиё давлатларининг бирига борган вақтида ҳибсга олинган.
Ҳозирда унга нисбатан қўзғатилган жиноят иши доирасида тергов ҳаракатлари олиб борилмоқда.
Аввалроқ қидирувдаги ИШИД* аъзоси Ўзбекистонга олиб келингани хабар қилинган эди.
* Ўзбекистон ва қатор мамлакатларда тақиқланган террорчилик ташкилотлари
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала