Жамият

Ёмғир ва кунлар исиши: ҳафта давомида қандай об-ҳаво кузатилади

© Sputnik / Владимир Федоренко / Фотобанкка ўтишОсень
Осень - Sputnik Ўзбекистон, 1920, 08.11.2021
10 ноябрда республиканинг марказий ҳудудларида кучсиз ёмғир ёғиши эҳтимоли бор. 11−13 ноябрда мамлакатга илиқ ҳаво массалари кириб келади.
ТОШКЕНТ, 8 ноя – Sputnik. Бугун ва эртага республика ҳудудининг катта қисмида ёғингарчилик кутилмайди, деб хабар бермоқда Ўзгидромет.
Фақат Ўзбекистоннинг жанубий ҳудудларида нам ҳаво массалари айланиб туради. Бунинг ҳисобига Самарқанд, Қашқадарё, Сурхондарё вилоятларида баъзи жойларда асосан жадаллиги бироз бўлган ёмғир ёғади. Республиканинг тоғ олди ва тоғли ҳудудларида баъзи жойларда ёғингарчилик (ёмғир, қор) бўлади.
Кечаси ҳали совуқ бўлади, ҳаво ҳарорати 0…+5 даража илиқ, шимолда −2…−7 даража совуқ атрофида бўлади. Кундуз куни эса қуёш ҳавони +10…+15 даража илиқгача иситади.
10 ноябрда нам ҳаво массаси шимоли-шарқий томонга қараб ҳаракатланади ва республиканинг марказий ҳудудлари бўйича баъзи жойларда кучсиз ёмғир ёғиши эҳтимоли бор. Ҳаво ҳарорати кечалари +3…+8 даража илиқ, кундуз кунлари +10…+15 даража илиқ атрофида бўлади.
11−13 ноябрда мамлакат ҳудудига Туркманистондан илиқ ҳаво массалари кириб келиши кутилмоқда.
Ҳаво ҳарорати кечалари +3…+8 даража илиқ бўлади. Кундуз кунлари эса ноябрь ойи ўрталари учун бўлган меъёрий қийматларгача +15…+18 даража илиқгача, жанубда эса +20…+21 даража илиқгача исийди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала