Иқтисод

Автомобиль сотиб олганлик учун йиғим бекор қилиниши мумкин

© Sputnik / Максим Богодвид / Фотобанкка ўтишАвтомобили
Автомобили - Sputnik Ўзбекистон, 1920, 15.11.2021
2022 йилдан автотранспорт воситаларини сотиб олганлик учун йиғим бекор қилинади. Автомобиль олди-сотди шартномасини нотариал расмийлаштириш учун ундириладиган давлат божи қайта кўриб чиқилади.
ТОШКЕНТ, 15 ноя – Sputnik. Ўзбекистонда 2022 йил 1 январдан бошлаб автотранспорт воситаларини сотиб олганлик учун йиғим тўлиқ бекор қилинади. Бу ҳақда Қонунчилик палатаси депутати Дониёр Ғаниев ўзининг Telegram каналида хабар берди.
Унинг ёзишича, Ҳукумат томонидан Олий Мажлис Қонунчилик палатасига 2022 йил учун Давлат бюджети лойиҳаси ва Бюджетномада киритилган.
Ҳужжатга кўра, фуқароларга мулкий муносабатларни амалга оширишда давлат рўйхатидан ўтказиш жараёнларини енгиллаштириш ва мулк ҳуқуқини тўлақонли тасарруф этишга қулай шароитларни яратиш мақсадида 2022 йил 1 январдан бошлаб автотранспорт воситаларини сотиб олганлик учун йиғим тўлиқ бекор қилинади.
Бундан ташқари, унинг ёзишича, унинг Молия вазирлигидаги манбалари "Давлат божи тўғрисида"ги қонунга ўзгартиш киритилиши кутилаётганини маълум қилган. Унга мувофиқ, автомобиль олди-сотди шартномасини нотариал расмийлаштириш учун ундириладиган давлат божи, транспорт воситасининг от кучи ва ишлаб чиқарилган санасидан қатъий назар БҲМнинг 3 баробари (810 минг сўм) этиб белгиланади. Амалда БҲМнинг 2 баробаридан 10 бараваригача (540 минг сўмдан — 2,7 млн сўмгача) миқдорда белгиланган.
Демак, "2022 йил учун Давлат бюджети тўғрисида"ги қонунни қабул қилиниши ҳамда "Давлат божи тўғрисида"ги қонунга тегишли ўзгртириш киритиш ортидан иккиламчи бозордан сотиб олинган автомобилни расмийлаштириш харажатлари кескин камаяди, деб ёзмоқда Ғаниев.
Амалдаги тартибга асосан от кучи 105 бўлган ва ишлаб чиқарилган санаси 3 йилдан кўп бўлмаган Nexia автомобилини олди-сотди шартномасини нотариал расмийлаштириш учун ўртача 5млн 535 минг сўм харажат талаб қилинаётган бўлса, қонунчиликка юқоридаги ўзгартиришлар киритилгандан сўнг (2022 йилдан) бу харажатлар тахминан 4 млн сўмга камайиб, 1,6 млн сўм атрофида бўлади.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала