Иқтисод

Ҳокимликларнинг ғалла етиштирувчилар фаолиятига аралашуви тақиқланади

© Sputnik / Игорь Зарембо / Фотобанкка ўтишУборка урожая зерновых.
Уборка урожая зерновых. - Sputnik Ўзбекистон, 1920, 16.11.2021
Ҳокимликлар ва ҳуқуқни муҳофаза қилувчи органларининг ғалла етиштирувчилар фаолиятига аралашуви тақиқланади.
ТОШКЕНТ, 16 ноя — Sputnik. Ғалла етиштириш ва сотишда эркин рақобатни таъминлайдиган бозор тамойилларини жорий этиш тўғрисидаги президент қарори қабул қилинди.
Уборка урожая зерновых на полях - Sputnik Ўзбекистон, 1920, 04.09.2021
Иқтисод
Ғалла ҳосили учун минимал нарх маълум қилинди
Қарорга мувофиқ, 2022 йилдан экишга тавсия этилган буғдой навлари хўжалик юритувчи субъектлар томонидан мустақил жойлаштирилади.
2022 – 2024 йилларда кластерлар ва фермерлар етиштирган ҳосилининг ғалла экилган ҳар гектар майдон ҳисобидан ўртача 2,5 тоннадан буғдойни эркин биржа савдолари орқали, қолган қисмини тўғридан-тўғри шартномалар асосида эркин сотади.
Ҳар йили 1 августгача буғдойнинг келгуси йил ҳосили учун кутилаётган индикатив нарх ОАВда эълон қилинади.
Давлат бошқаруви органлари, ҳокимликлар ва ҳуқуқни муҳофаза қилувчи органларига қуйидагилар тақиқланади:
- имтиёзли кредитлардан фойдаланиш йўналишларига аралашиш;
- буғдойни сотиш, шартномалар тузиш, республика ҳудудлари ўртасидаги ички ташувларга аралашиш;
- ғаллачилик кластерларига чорвачилик, паррандачилик, балиқчилик ва бошқа йўналишларни қўшиш тўғрисида ёзма ёки оғзаки тартибда кўрсатма бериш.
2021 – 2022 йилларда “Ўздонмаҳсулот” АК тизимидаги дон корхоналари тадбиркорларга сотилади.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала