Жамият

Қарз неча пулдан кўп бўлса ёзма шартнома тузиш керак?

© Sputnik / Рамиз БахтияровНациональная валюта Узбекистана — сум
Национальная валюта Узбекистана — сум - Sputnik Ўзбекистон, 1920, 12.12.2021
Фуқаролар орасида олинаётган қарз миқдори БҲМнинг ўн бараваридан кўп бўлганда ёки томонлардан бири юридик шахс бўлганда ёзма шартнома тузиш мажбурий ҳисобланади.
ТОШКЕНТ, 12 дек - Sputnik. Фуыаролар ўртасида қарз суммасни неча пулдан ошганда ёзма шартнома тузиш керак? Ушбу саволга Адлия вазирлиги жавоб берди.
Ўзбекистон Республикаси қонунларига кўра, фуқаролар ўртасида ўзаро олинган қарз суммаси БҲМнинг 10 бараваридан кўп бўлган тақдирда, яъни 2 млн 700 минг сўмдан кўп бўлганда, оддий ёзма шаклда шартнома тузилиши шарт.
Иккинчидан, агар қарз олувчининг тилхати ёки унга қарз берувчи томонидан муайян сумма ёки муайян миқдордаги ашёлар топширилганлигини тасдиқлайдиган бошқа ҳужжат мавжуд бўлса, қарз шартномаси ёзма шаклда тузилган ҳисобланади.
Учинчидан, агар қарз берувчи ёки қарз олувчи томонлардан бири юридик шахс бўлганда, қарз суммасидан қатъи назар - ёзма шартнома тузилиши шарт.
Шунингдек, қарз мажбурияти қарз олувчи томонидан берилган вексель, облигация ёки қарз суммасини ва қарз берувчининг уни ундириб олиш ҳуқуқини белгилайдиган бошқа қимматли қоғоз билан тасдиқланган бўлса, қарз шартномасининг ёзма шаклига риоя қилинган ҳисобланади.
Маълумот учун, Ўзбекистонда фуқаролар орасидаги иқстисодий муносабатлар Фуқаролик кодекси томонидан тартибга солинади. Кодекс, хусусан, фуқаролар ҳуқуқларининг тенглигини, мулкнинг дахлсизлигини, шартноманинг эркинлигини, фуқаролик ҳуқуқлари тўсқинликсиз амалга оширилишини, бузилган ҳуқуқлар тикланишини ва бошқа ҳуқуқларини кафотлатлайди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала