Сиёсат

Беш туманда ҳокимлар ўзгарди

© Sputnik / Ilya PitalevПортфель чиновника, фото из архива
Портфель чиновника, фото из архива - Sputnik Ўзбекистон, 1920, 22.12.2021
Ромитан, Булунғур, Оқдарё, Косонсой ва Норин туманларига янги ҳокимлар тайинланди.
ТОШКЕНТ, 22 дек – Sputnik. Ўзбекистоннинг бешта туманида янги ҳокимлар тасдиқланди. Қарорлар туманлар халқ депутатлари Кенгашининг навбатдан ташқари сессияларида қабул қилинди.
© Фото: хокимият Бухарской областиУмеджон Барноев
Умеджон Барноев - Sputnik Ўзбекистон, 1920, 22.12.2021
Умеджон Барноев
Бухоро вилояти Ромитан туман ҳокими лавозимига Умеджон Барноев тайинланди. У тайинловга қадар Бухоро тумани ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари лавозимида ишлаб келаётган эди.
Умеджон Барноев бу лавозимда Хуршид Тоҳиров ўрнини эгаллади. Бухоро вилоят ҳокими Ботир Зарипов Тоҳиров истеъфосини тушунтираётиб деди: “Унинг тажрибасини инобатга олиб бошқа масъул лавозимга тайинлашга қарор қилдик”.
© Фото: хокимият Самаркандской областиСамандар Астанов
Самандар Астанов - Sputnik Ўзбекистон, 1920, 22.12.2021
Самандар Астанов
Самандар Астанов Самарқанд вилояти Булунғур тумани ҳокими лавозимига тасдиқланди. Мазкур тайинловга қадар у Самарқанд вилояти прокурори ўринбосари лавозимида фаолият олиб борган.
Туманнинг аввалги ҳокими Баҳодир Баҳромов бошқа ишга ўтиши муносабати билан ўз аризасига асосан эгаллаб турган вазифасидан озод этилди.
© Фото: хокимият Самаркандской областиШерзод Кудратов
Шерзод Кудратов - Sputnik Ўзбекистон, 1920, 22.12.2021
Шерзод Кудратов
Шерзод Қудратов вилоятнинг Оқдарё тумани ҳокими лавозимига тасдиқланди. Мазкур тайинловга у Ўзбекистон Савдо-саноат палатаси Самарқанд вилояти ҳудудий бошқармаси бошлиғи лавозимида фаолият олиб борган.
Туманнинг аввалги ҳокими вазифасида фаолият олиб борган Нажмиддин Сулаймонов бошқа ишга ўтиши муносабати билан ўз аризасига асосан эгаллаб турган вазифасидан озод этилди.
Наманган вилояти Косонсой туманида ҳам ҳоким ўзгарди. Туманнинг собиқ ҳокими Баҳодир Юсупов президентнинг Наманган вилоятидаги Халқ қабулхонаси мудири бўлди.
© Фото: хокимият Наманганской областиДилмурод Кодиров
Дилмурод Кодиров - Sputnik Ўзбекистон, 1920, 22.12.2021
Дилмурод Кодиров
Бугунги кунга қадар Норин тумани ҳокими лавозимида ишлаб келган Дилмурод Қодиров Косонсой туманининг янги ҳокими этиб тасдиқланди.
© Фото: хокимият Наманганской области Журабек Нурматов
Журабек Нурматов - Sputnik Ўзбекистон, 1920, 22.12.2021
Журабек Нурматов
Жўрабек Нурматов вилоятнинг Норин тумани ҳокими лавозимига тасдиқланди.
У бугунги кунга қадар Норин тумани ҳокимининг биринчи ўринбосари лавозимида ишлаб келаётган эди.
Янгиликлар лентаси
0
Аввал янгилариАввал эскилари
loader
LIVE
Заголовок открываемого материала