Жамият

Қимматбаҳо навли дарахтлар кесилишига мораторий муддатсиз даврга узайтирилди

© Pixabay / Herbert2512Вырубка дерева
Вырубка дерева  - Sputnik Ўзбекистон, 1920, 01.01.2022
Обуна бўлиш
Yandex newsTelegram
Мораторий талабларини бузганлик учун маъмурий жарималар миқдори беш бараварга оширилди.
ТОШКЕНТ, 1 янв — Sputnik. Давлат ўрмон фондига кирмайдиган қимматбаҳо навли дарахт ва буталар кесилишига мораторийнинг амал қилиши муддатсиз даврга узайтирилмоқда. Бу ҳақда Ўзбекистон президентининг тегишли фармони қабул қилинди.
Мораторий даврида амалдаги чеклов ва мажбуриятлар билан бирга қўшимча равишда ҳуқуқбузарларга:
мораторий талабларини бузганлик учун маъмурий жарималар миқдори беш бараварга;
дарахтлар ва буталарни ноқонуний кесиш ва шикастлантириш билан ўсимлик дунёсига етказилган зарар учун ундириш суммалари икки бараварга оширилган ҳолда қўлланилади;
Мораторий талабларини бузган қурилиш-пудрат ташкилотларининг “Шаффоф қурилиш” миллий ахборот тизимидаги даражаси (рейтинг баҳоси) бир поғона пасайтирилади.
Бунда даражаси (рейтинг баҳоси) бир поғона пасайтирилган қурилиш-пудрат ташкилотлари бир йил мобайнида даражасини (рейтинг баҳосини) кўтариш имконидан маҳрум бўлади.
Даражасини (рейтинг баҳосини) бир поғонага пасайтириш имкони бўлмаган қурилиш-пудрат ташкилотлари бир йил муддатга қурилиш-пудрат ташкилотлари электрон рейтингидан тўлиқ чиқариб ташланади.
Янги қуриладиган, баландлиги ер юзасидан 12 метрдан ва (ёки) умумий майдони 500 квадрат метрдан ортиқ бўлган бино ва иншоотларни лойиҳалаштиришда уларга туташ ҳудудларнинг кўкаламзорлаштириш (дарахтлар, буталар, бошқа ўсимликлар ва ниҳолларни экиш) майдонлари лойиҳа учун ажратиладиган ер участкалари умумий майдонининг 25 фоизидан кам бўлишига йўл қўйилмайди
Давлат ўрмон фондига кирмайдиган дарахтлар ва буталар қимматбаҳо навларини кесиш, кундаков қилиш, шикастлантириш ёки йўқ қилишни назарда тутувчи кўрсатмаларни ўз ичига олган ҳукумат фармойишлари, баённомалар, ёзма топшириқлар, идоравий ҳужжатлар, маҳаллий ижро этувчи ҳокимият органларининг кўрсатмалари ва қарорларини қабул қилиш қатъиян тақиқланади.

Мавзуга оид:

Дарахт экиш жараёнига сохталик билан ёндашган масъуллар ишдан олинди
Бўстонлиқда 56 туп кўп йиллик дарахтлар кесиб ташланди
Тошкент “яшил шаҳар”га айлантирилади – қандай вазифалар белгиланди
Дарахтларни кесишга мораторий 2024 йилга қадар узайтирилади
2021 йилда 1300дан зиёд туп қимматли дарахт кесиб ташланди
Янгиликлар лентаси
0