Жамият

“Ўзбектелеком”: аҳоли масканларининг 95 фоизи мобил интернет билан қамраб олинди

© Pixabay / Jan Vašek Мобильный телефон, иллюстративное фото
Мобильный телефон, иллюстративное фото - Sputnik Ўзбекистон, 1920, 19.01.2022
Обуна бўлиш
Yandex newsTelegram
"Ўзбектелеком" компанияси директори ўринбосарининг сўзларига кўра, ўтган йили халқаро интернет тармоғига уланишнинг умумий ўтказувчанлик имконияти 1 800 Гбит/с га етказилган.
ТОШКЕНТ, 19 янв — Sputnik. Бугунги кунга келиб 95 фоиз аҳоли масканлари мобил интернет билан қамраб олинган. Бу ҳақда "Ўзбектелеком" компанияси директори ўринбосари Алишер Зуфаров АОКАдаги брифингда маълум қилди.
Унинг қайд этишича, мобил алоқа хизматларини ривожлантириш мақсадида 2021 йилда 902 та қўшимча база станциялари ўрнатилиб, уларнинг умумий сони 19 233 тага етказилган.
“Бугунги кунга келиб 95 фоиз аҳоли масканлари мобил интернет билан қамраб олинган, 54 фоиз уй хўжаликларига юқори тезликдаги симли интернетга уланиш имкони яратилган”, - деди "Ўзбектелеком" компанияси директори ўринбосари.
Зуфаров ўтган йили халқаро интернет тармоғига уланишнинг умумий ўтказувчанлик имконияти 1 800 Гбит/с га етказилганини маълум қилди. Оператор ва провайдерларга Интернет хизматлари учун тариф 42,9 фоизга арзонлаштирилиб, 1 Мбит/с учун 30 минг сўмни ташкил этган.
Ҳудудлардамобил алоқани ривожлантириш мақсадида 2021 йилда республика бўйлаб 234 та объектда 717 та база станция қурилмалари ўрнатилган.
Кўп квартирали уйлар камида 1 Гбит/с ўтказувчанлик қобилияти билан интернетга уланади
Республика ҳудудидага барча ижтимоий объектларни юқори тезликдаги интернет билан қамраб олиш борасида амалга оширилган ишлар натижасида маҳалла фуқаролар йиғинларининг 80 фоизи, умумтаълим мактаблари, мактабгача таълим ташкилотлари ҳамда тиббиёт муассасаларининг юқори тезликдаги интернетга уланиш имконияти 100 фоизга чиқарилган.

Мавзуга оид:

Интернет тезлиги ошади ва қамрови кенгаяди - вазирлик
Интернет тезлиги: Ўзбекистон Марказий Осиё давлатлари орасида нечанчи ўринда?
Янгиликлар лентаси
0