Иқтисод

Ҳокимликларда тадбиркорлик инфратузилмасини ривожлантириш жамғармалари ташкил этилди

© Depositphotos / Erwin WodickaМенеджер с калькулятором
Менеджер с калькулятором - Sputnik Ўзбекистон, 1920, 22.01.2022
Обуна бўлиш
Yandex newsTelegram
Ҳокимликлар ҳузурида тадбиркорлик инфратузилмасини ривожлантириш жамғармалари ташкил этилди.
ТОШКЕНТ, 22 янв — Sputnik. “Республика ҳудудларида тадбиркорлик инфратузилмасини ривожлантиришга доир қўшимча чора-тадбирлар тўғрисида”ги президент фармони қабул қилинди.
Фармон билан Қорақалпоғистон Вазирлар Кенгаши, вилоятлар ва Тошкент шаҳар ҳокимликлари ҳузурида тадбиркорлик инфратузилмасини ривожлантириш жамғармалари ташкил этилди.
Жамғармаларни шакллантиришнинг асосий манбаси ерни хусусийлаштиришдан ва ерни ижарага беришдан тушадиган маблағлар ҳисобланади.
Жамғармалар маблағлари қуйидагилар учун сарфланади:
“Янги Ўзбекистон”, давлат уй-жой дастурларидаги массивларни ташқи муҳандислик-коммуникация билан таъминлаш;
200 миллиард сўмдан ошадиган, инвесторнинг ўз маблағлари 25 фоиздан кам бўлмаган, инвестиция дастурларига киритилган лойиҳаларни ташқи муҳандислик-коммуникация тармоқлари билан таъминлаш;
аҳоли пунктлари бош режалари, ҳудудларнинг маъмурий-режалаштирув топшириқлари ва батафсил режалаштириш лойиҳаларини ишлаб чиқиш.
Фармон билан шунингдек, Урбанизацияни ривожлантириш жамғармаси тугатилди.
Янгиликлар лентаси
0