Тошкент аэропорти рейсларни қабул қилмаяпти

© Пресс-служба президента ТатарстанаМеждународный аэропорт Ташкента
Международный аэропорт Ташкента - Sputnik Ўзбекистон, 1920, 25.01.2022
Oбуна бўлиш
Мамлакат бўйлаб кузатилаётган электр энергиясидаги носозликлар Тошкент халқаро аэропорти фаолиятига таъсир кўрсатмоқда.
ТОШКЕНТ, 25 янв — Sputnik. Ўзбекистон бўйлаб электр энергиясидаги узилишлар сабаб Тошкент аэропорти рейсларни қабул қилмаяпти. Бу ҳақда Sputnik мухбирига аэропорт ходими маълум қилди.
AviaSpotter телеграм канали маълумотларига кўра, “Uzbekistan Airways” компаниясининг “Урганч – Тошкент” ва “Олмаота – Тошкент” йўналишидаги рейслари Навоийдаги захира аэродромига йўналтирилган.
“Новости Ташкентского Неба” телеграм канали эса "Air Astana" компаниясининг “Олмаота-Тошкент” рейси Тошкентга учиб келиб, лекин қўнмасдан ортга Олмаота халқаро аэропортига қайтиб кетганини ёзмоқда.
Бугун соат 11:00 да энерготизимда йирик носозлик юзага келиб, республиканинг айрим ҳудудларида электр энергияси таъминотида узилишлар кузатилмоқда.
Узилишлар қатор хизмат кўрсатиш соҳаларига таъсир кўрсатмоқда. Хусусан, Тошкент метроси вақтинча ишлмаяпти. Уй жой коммунал хизмат вазирлиги иситиш, оқова ҳамда ичимлик сув тармоқларида ҳам узилишлар кузатилишидан огоҳлантирди. "Ўзбекистон темир йўллари" айрим йўловчи поездларнинг ўз манзилларига етиб бориш кечикиши кузатилишини билдирди. "Ўзсувтаъминот" эса чимлик суви етказилишида ҳам вақтинчалик узилишлар юзага келиши мумкингидан огоҳлантирди.
Янгиликлар лентаси
0