Давлат қандли диабетга чалинган беморларни қатор дорилар билан бепул таъминлайди

© Sputnik / Павел Лисицын / Медиабанкка ўтишИнсулин
Инсулин - Sputnik Ўзбекистон, 1920, 27.01.2022
Oбуна бўлиш
Қандли диабетга чалинган беморларга инсулин, глюкометр, десмопрессин ва ўсиш гормони бепул берилади.
ТОШКЕНТ, 27 янв — Sputnik. Ўзбекистон президенти “Эндокринология хизматини такомиллаштириш ва кўламини кенгайтириш чора-тадбирлари тўғрисида”ги қарорни имзолади.
Унда қандли диабет касаллигига чалинган беморларни бепул дори-дармонлар билан таъминлаш бўйича қатор муҳим вазифалар белгиланган.
Унга кўра, энди:
25 ёшгача бўлган қандли диабетнинг биринчи тури билан касалланган беморлар аналогли инсулин ҳамда ўзини ўзи назорат қилиш воситалари (глюкометр ва махсус тест япроқчалари) билан;
қандсиз диабет билан касалланган беморлар, соматотроп етишмовчилик билан касалланган болалар ҳаётий зарур махсус дори воситалари (десмопрессин ва ўсиш гормони) билан;
25 ёшдан ошган қандли диабетнинг биринчи тури билан касалланган инсулинга муҳтож, шунингдек, қандли диабетнинг иккинчи тури билан касалланган беморлар одам инсулини билан;
қандли диабетнинг иккинчи тури билан касалланган ҳамда эҳтиёжманд сифатида “Ижтимоий ҳимоя ягона реестри”да бўлган беморлар метформин дори воситаси билан бепул таъминланади.
Беморларга бепул бериладиган дори воситалари ва тиббий жиҳозлар марказлашган тартибда харид қилинади. Уларни бирламчи тиббий-санитария ёрдами муассасалари тақсимлайди.
Янгиликлар лентаси
0