Жамият

Ишни судга қадар юритишда ягона тергов ахборот тизими жорий этилади

© Sputnik / Руслан КривобокМолоток судьи, архивное фото
Молоток судьи, архивное фото - Sputnik Ўзбекистон, 1920, 31.01.2022
Обуна бўлиш
НовостиTelegram
Ягона тергов ахборот тизимининг бошқа ахборот тизимининг узлуксиз ишлаши, ахборот хавфсизлиги таъминланиши учун Бош прокуратура масъул ҳисобланади.
ТОШКЕНТ, 31 янв — Sputnik. Суриштирув ва дастлабки тергов органлари фаолиятини рақамлаштириш ҳамда ишни судга қадар юритиш масалалари бўйича “Электрон суриштирув ва дастлабки тергов” ягона ахборот тизими (Ягона тергов ахборот тизими) жорий этилади. Бу президент 2022 йил 28 январь куни имзолаган янги қарорда кўзда тутилган.
Ягона тергов ахборот тизими орқали ишни судга қадар юритиш масалаларида электрон ҳужжат алмашиш қуйидагилар томонидан амалга оширилади:
Ички ишлар вазирлиги;
Бош прокуратура;
Давлат хавфсизлик хизмати;
Бош прокуратура ҳузуридаги Иқтисодий жиноятларга қарши курашиш департаменти ва Мажбурий ижро бюроси;
Давлат божхона қўмитаси;
Миллий гвардиянинг суриштирув ва тергов органлари.
Ягона тергов ахборот тизимининг бошқа ахборот тизимлари билан интеграциялашуви, унинг узлуксиз ишлаши, ахборот хавфсизлиги таъминланиши учун Бош прокуратура масъул ҳисобланади.
Қарор билан Ягона тергов ахборот тизими доирасида суриштирув ва тергов органлари билан электрон ҳамкорликни амалга оширувчи давлат органлари ҳамда ташкилотлар рўйхати тасдиқланди.
Суд-экспертлик илмий-тадқиқот институти ташкил этилди
Шунга кўра, жисмоний ва юридик шахслар ҳақидаги мавжуд маълумотлар суриштирув ва тергов органларининг электрон сўрови бўйича бепул асосда тақдим этилади.
Қарорга мувофиқ, Мажбурий ижро бюросининг 2022 йил 1 майдан Ягона тергов ахборот тизими синов версияси, 2022 йил 1 августдан тўлиқ версияси ишга туширилади.
Суриштирув ва тергов органлари ходимларининг рақамли саводхонлигини ва малакасини ошириш, уларни ахборот технологиялари ва ахборот хавфсизлиги бўйича ўқитиш Тошкент ахборот технологиялари университети ва унинг филиаллари негизида ташкил этилади.
Янгиликлар лентаси
0