Жамият

Ўзбекистонда Россия компанияси билан ҳамкорликда инсулин ишлаб чиқарилади

© Фото: МИВТ УзбекистанаВ Узбекистане совместно с российской компанией запустят производство инсулина
В Узбекистане совместно с российской компанией запустят производство инсулина - Sputnik Ўзбекистон, 1920, 02.02.2022
Обуна бўлиш
Yandex newsTelegram
“Герофарм” инсулинларига Ўзбекистон ва Марказий Осиё мамлакатлари бозорида талаб катта.
ТОШКЕНТ, 2 фев — Sputnik. Ўзбекистонда Россиянинг “Герофарм” компанияси билан ҳамкорликда инсулин ишлаб чиқариш бўйича лойиҳа ишга туширилади. Тегишли битим Москвада Ўзбекистон Инвестициялар ва ташқи савдо вазирлиги ва компания раҳбарияти ўртасида имзоланди.
Таъкидланишича, лойиҳанинг амалга оширилиши қандли диабет билан оғрийдиган беморлар учун бир қатор муҳим дори воситаларининг оммабоплигини сезиларли даражада оширади. Ўзбекистон соғлиқни сақлаш тизимининг ушбу дорилар импортига қарамлигини камайтириш, дори-дармон хавфсизлигини таъминлаш ва мамлакатда биотехнологик ишлаб чиқаришни ривожлантиришда муҳим қадам бўлади.
“Яқин келажакда томонлар лойиҳани ҳаётга татбиқ этиш бўйича аниқ чора-тадбирлар ва муддатларни ўз ичига олган “Йўл харитаси”ни ишлаб чиқиб тасдиқлайдилар”, - дейилган хабарда.
Давлат қандли диабетга чалинган беморларни қатор дорилар билан бепул таъминлайди
“Герофарм” МЧЖ МДҲ ва ЕОИИ мамлакатларида биотехнологик дори ишлаб чиқарувчилари орасида етакчи компания ҳисобланади. Компания эндокринология соҳасида юқори технологияли маҳсулотларни экспорт қилади. “Герофарм” инсулинларига Ўзбекистон ва Марказий Осиё мамлакатлари бозорида талаб катта.
Янгиликлар лентаси
0