Андижонда ўқитувчиларнинг узр сўрашга мажбурланиши: амалдорларга қандай чора кўрилди

© Фото: Kun.uzВ Андижане учителей заставили извиниться перед родителями своих учеников
В Андижане учителей заставили извиниться перед родителями своих учеников - Sputnik Ўзбекистон, 1920, 14.02.2022
Oбуна бўлиш
Марҳамат ҳокимининг ёшлар масалалари бўйича ўринбосари лавозимидан озод этилди. Бундан ташқари, мактаб директори ва туман халқ таълими мудири ишдан олинди.
ТОШКЕНТ, 14 фев — Sputnik. Андижон вилояти Марҳамат туманидаги 72-ихтисослаштирилган давлат умумтаълим мактабидаги ўқитувчиларнинг узр сўрашга мажбурланиши воқеаси ортидан қатор амалдорларга чора кўрилди. Бу ҳақда Халқ таълими вазирлиги матбуот хизмати хабар қилмоқда.
Халқ таълими вазири Бахтиёр Саидовнинг 72-сон мактаб ўқитувчилари билан ўтказган бевосита суҳбат натижаларига кўра, мактаб директори ва Марҳамат тумани халқ таълими бўлими мудирини вазифасидан озод этиш бўйича хулосага келинган.
Шунингдек, бугун Андижон вилояти ҳокимлигида бўлиб ўтган “Ҳокимлик соати” йиғилишида Марҳамат тумани ҳокимининг ёшлар масалалари бўйича ўринбосари Мухтор Қурбонов лавозимидан озод қилинди. Туман ҳокими Бобур Йўлдошевга эса ҳайфсан интизомий жазоси қўлланилди.
Эслатиб ўтамиз, 8 февраль куни Андижон вилоятининг Марҳамат туманидаги мактабда ўқитувчилар ўқувчиларнинг ўзлаштириши қониқарсизлиги сабаб ота-оналардан узр сўрагани айтилган хабар тарқалган эди. Халқ таълими вазири Бахтиёр Саидов буни давлат сиёсатига қарши ҳаракат деб баҳолади. Кейинчалик Марҳамат тумани ҳокими Бобур Йўлдошев содир бўлган ҳолат юзасидан ўқитувчилардан узр сўраб чиқди. Вилоят халқ таълими бошқармаси бошлиғи узрбозликда туман ҳокимини айблади.

Мавзуга оид:

Андижонда ўқитувчиларнинг ота-оналардан узр сўраши: воқеага қандай муносабат билдирилмоқда
Вазир узр сўрашга мажбурланган андижонлик ўқитувчилар билан учрашди
Янгиликлар лентаси
0