Сиёсат

Мирзиёев БМТ Контртеррор бошқармаси раҳбари билан учрашув ўтказди

© Пресс-служба президента УзбекистанаПрезидент Узбекистана Шавкат Мирзиёев
Президент Узбекистана Шавкат Мирзиёев - Sputnik Ўзбекистон, 1920, 02.03.2022
Обуна бўлиш
Yandex newsTelegram
Шавкат Мирзиёев БМТ бош котибининг ўринбосари – Контртеррор бошқармаси раҳбари Владимир Воронковни қабул қилди.
ТОШКЕНТ, 2 мар — Sputnik. Ўзбекистон президенти Шавкат Мирзиёев 2 март куни Бирлашган Миллатлар Ташкилоти Бош котибининг ўринбосари – Контртеррор бошқармаси раҳбари Владимир Воронковни қабул қилди. У БМТнинг Глобал аксилтеррор стратегияси бўйича Тошкент халқаро конференцияси доирасида республикада бўлиб турибди.
Учрашув аввалида Владимир Воронков Ўзбекистон президентига Бирлашган Миллатлар Ташкилоти Бош котиби Антониу Гутерришнинг самимий саломи ва энг эзгу тилакларини етказди. Эртага пойтахтда иш бошлайдиган икки кунлик нуфузли халқаро конференцияни ўтказиш ташаббуси ва унинг ташкил этилгани учун алоҳида миннатдорлик билдирилди.
Мамлакатнинг БМТ институт ва тузилмалари, шу жумладан Контртеррор бошқармаси билан амалий ҳамкорлигини янада ривожлантириш масалалари кўриб чиқилди.
Давлат раҳбари сермаҳсул ҳамкорликнинг бугунги даражасини мамнуният билан қайд этди. Хусусан, Ўзбекистон бошқарманинг террорчиликка қарши курашиш борасидаги 15 та лойиҳасини амалга оширишда фаол иштирок этмоқда.
Марказий Осиё минтақаси давлатларининг янгиланган Қўшма ҳаракат режасини амалга ошириш ва лойиҳалар сонини кўпайтиришга алоҳида эътибор қаратилди.
БМТ Бош Ассамблеяси томонидан Ўзбекистон ташаббуси билан қабул қилинган “Маърифат ва диний бағрикенглик” резолюцияси доирасида кўп томонлама тадбирлар ўтказиш, ёшларни экстремизм ва терроризмнинг салбий таъсиридан ҳимоя қилиш, “қайноқ нуқталар”дан қайтарилган шахсларни реабилитация ва реинтеграция қилиш соҳасида тажриба алмашиш ҳамда кадрлар тайёрлаш йўналишида ҳамкорлик қилиш имкониятлари муҳокама қилинди.
Минтақа кун тартибидаги масалалар, шу жумладан Афғонистондаги вазиятнинг ривожланиши, афғон халқига кўмаклашиш ва ёрдам кўрсатиш чораларини кўриш юзасидан фикр алмашилди.
Учрашув якунида Ўзбекистон ва БМТ Контртеррор бошқармаси ўртасидаги амалий шерикликни кенгайтириш бўйича қўшма “йўл харитаси”ни тайёрлаш тўғрисида келишувга эришилди.
Янгиликлар лентаси
0