Дунёда

Туркия Россияга қарши санкцияларга қўшилмайди - Эрдоған

© REUTERS / Presidential Press OfficeПрезидент Турции Реджеп Тайип Эрдоган
Президент Турции Реджеп Тайип Эрдоган - Sputnik Ўзбекистон, 1920, 25.03.2022
Обуна бўлиш
Yandex newsTelegram
Туркия ўз фуқаролари ҳамда ўз тадбиркорлари манфаатларини ўйлаб Россияга қарши санкцияларга қўшила олмайди.
ТОШКЕНТ, 25 мар - Sputnik. Туркия БМТ доирасида Россияга қарши санкцияларга қўшилмайди. Бу Туркия манфаатларига зид, деди Эрдоған.
"Туркия БМТнинг маълум йўналишларини санкциялар нуқтаи назаридан баҳолайди, лекин Россия билан муносабатларни четга суриб қўя олмайди. Чунки бугунги кунда фақат табиий газни назарда тутадиган бўлсак, биз истеъмол қиладиган газнинг ярмига яқинини Россиядан оламиз. Бундан ташқари, бугун биз Россия билан бирга “Аккую” атом электр станциясини қурмоқдамиз. Биз буни четга суриб қўя олмаймиз.
Буни Макронга айтганимда, у: "Сиз ҳақсиз" деб жавоб берди. Бу масалада ақл билан иш тутишимиз керак. Биринчидан, мен фуқароларимнинг музлаб қолишига йўл қўя олмайман (Россия газисиз). Иккинчидан, мен саноатимизни батамом юкланиб қолишига йўл қўя олмайман", - деди Туркия етакчиси.
Эслатиб ўтамиз Украинада махсус операция бошланганидан сўнг АҚШ ва Европа давлатлари Россияга қарши кескин санкциялар киритишни бошлади. Ундан ташқари АҚШ дунёнинг барча давлатларини ушбу санкцияларни қўллаб-қувватлашга ундади, баъзиларга ҳатто босим ўтказишга уринишлар бўлди. Лекин Россиянинг анъанавий ҳамкорлари МДҲ давлатлари, Сербия, Венесуэла, Куба, Бразилия, Хитой, Ҳиндистон, Сурия ва яна бир неча мамлакатлар ушбу санкцияларга қўшилмади.
Янгиликлар лентаси
0