Жамият

Қоидабузар ҳайдовчилар учун жарима баллари тизими қачондан жорий этилиши маълум бўлди

© Sputnik / Рамиз БахтияровАвтомобильное движение в городе
Автомобильное движение в городе  - Sputnik Ўзбекистон, 1920, 05.04.2022
Обуна бўлиш
Yandex newsTelegram
Ҳар бир йўл ҳаракати қоидабузарлиги учун 12 ой давомида алоҳида жарима баллари ҳисоблаб борилади.
ТОШКЕНТ, 5 апр — Sputnik. Ўзбекистонда қоидабузар ҳайдовчилар учун жарима баллари тизими 1 декабрдан жорий этилади. Бу президент имзолаган “Автомобиль йўлларида инсон хавфсизлигини ишончли таъминлаш ва ўлим ҳолатларини кескин камайтириш чора-тадбирлари тўғрисида”ги қарорда назарда тутилган.
Йўл ҳаракати қоидаларига сўзсиз риоя қилинишини таъминлаш ҳамда уларни такроран бузиш ҳолатларининг олдини олиш мақсадида жорий этилаётган янги тизимга кўра:
ҳар бир йўл ҳаракати қоидабузарлиги учун 12 ой давомида алоҳида жарима баллари ҳисоблаб борилади;
ҳисобланган жарима баллари белгиланган миқдордан ошган ҳолларда ҳайдовчи маълум муддатга машина бошқариш ҳуқуқидан маҳрум қилинади;
муайян давр мобайнида йўл ҳаракати қоидабузарлиги содир этмаган ҳайдовчиларга кейинчалик ҳисобланган жарима балларини қисқартириш орқали рағбатлантириш чоралари қўлланилади.
Ички ишлар ва Адлия вазирликлари бир ой муддатда илғор хорижий тажрибани инобатга олган ҳолда, ҳайдовчиларга йўл ҳаракати қоидабузарлиги учун жарима балларини ҳисоблаш тизимини жорий этишни назарда тутувчи қонунчилик ҳужжатларини тайёрлашлари шарт.
Эслатиб ўтамиз, президент Шавкат Мирзиёев февраль ойида ўтказилган видеоселектор йиғилишида ҳайдовчилар ҳуқуқбузарликлари учун жарима баллари тизими жорий этилишини маълум қилган эди. Масалан, ҳайдовчи тезликни оширса – 1 балл, қизил чироқда ўтса – 3 балл ҳисобланади. Агар бир йилда қоидабузарликлар жами 12 баллдан ошса, ҳайдовчи автомобиль бошқариш ҳуқуқидан маҳрум бўлиши мумкин.
Янгиликлар лентаси
0