Жамият

Ҳафта охирига келиб ҳаво яна исиб кетади

© Sputnik / Рамиз БахтияровСемья освежается от прохлады фонтана
Семья освежается от прохлады фонтана - Sputnik Ўзбекистон, 1920, 11.04.2022
Обуна бўлиш
Yandex newsTelegram
Бугун республика ҳудудининг катта қисмида ҳаво булутли бўлади ва баъзи жойларда қисқа муддатли ёмғир ёғади.
ТОШКЕНТ, 11 апр — Sputnik. Ҳафта охирига келиб, ҳарорат +30...+35 даража атрофида бўлади. "Ўзгидромет" 11-15 апрель кунлари кутилаётган об-ҳаво ҳақида маълумот берди.
Бугун республика ҳудудининг катта қисмида ҳаво булутли, қуруқ ва илиқ бўлиши кутилоқда, фақат Қорақалпоғистонда ва Хоразм, Бухоро, Навоий вилоятларида баъзи жойларда қисқа муддатли ёмғир ёғади, момақалдироқ бўлиши мумкин. Республика бўйича шамол тезлиги 17-22 м/с гача кучаяди, айрим жойларда чанг тўзон билан кузатилади, Бухоро, Навоий, Жиззах, Сурхондарё вилоятларида шамол тезлиги 25-28 м/с гача кучайиши мумкин. Ҳаво ҳарорати куннинг ўртасига келиб, +24...+29 даражани ташкил этади.
Тошкент вилоятида кечаси ва эртага эрталаб, тоғолди ва тоғли ҳудудларда куннинг биринчи ярмида момақалдироқ билан қисқа муддатли ёмғир ёғиши кутилмоқда. Мамлакатимизнинг қолган ҳудудларида ёғингарчилик кутилмайди. Ҳаво ҳарорати кечаси +14...+19 даражани, кундузи +24...+29 даражани ташкил этади.
13-15 апрелда Ўзбекистон ҳудудига Туркманистон ҳудудларидан иссиқ ҳаво кириб келиши бошланади. Ушбу даврда ёғингарчилик кутилмайди. Ҳафта охирига келиб, ҳарорат меъёрий қийматлардан +6...+8 даражага юқори бўлади ва кечалари +14...+19 даража, кундуз кунлари +30...+35 даража атрофида бўлади.
Янгиликлар лентаси
0