Спорт

Ўзбекистон футбол ҳакамлари маркази ишга тушади

© Sputnik / Александр Вильф / Фотобанкка ўтишГлавный судья во время футбольного матча
Главный судья во время футбольного матча - Sputnik Ўзбекистон, 1920, 15.04.2022
Обуна бўлиш
Yandex newsTelegram
Футбол ҳакамлари маркази футбол, аёллар футболи, мини футбол, соҳил футболи, болалар ва ўсмирлар футболи мусобақаларини бошқарувчи ҳакамлар фаолиятини мувофиқлаштиради.
ТОШКЕНТ, 15 апр — Sputnik. Адлия вазирлиги Ўзбекистон футбол ҳакамлари марказини давлат рўйхатидан ўтказди. Ҳужжатни Ўзбекистон футбол ассоциацияси вице-президенти Одил Аҳмедов қабул қилиб олди. Бу ҳақида Адлия вазири матбуот котиби хабар бермоқда.
Футбол ҳакамлари марказнинг асосий мақсадлари:
Ўзбекистон ҳудудида футбол мусобақаларини бошқарувчи ҳакамлар ва назоратчилар фаолиятини мувофиқлаштирилишини таъминлайди. Бунда Ўзбекистон футбол ассоциацияси, Ўзбекистон Профессионал футбол лигаси, футбол клубларига ва бошқа ташкилотларга ёрдам кўрсатилади.
Ҳакамлар ва назоратчиларни тайёрлаш, қайта тайёрлаш ва малакасини ошириш, шунингдек уларни ташкилий-бошқарув фаолиятига кўмаклашилади.
Ўзбекистон футбол ассоциацияси маълум қилишича, ушбу марказ Ўзбекистонда футбол, аёллар футболи, мини футбол, соҳил футболи, турли ёш тоифасидаги болалар ва ўсмирлар футболи мусобақаларини бошқарувчи ҳакамлар фаолиятини мувофиқлаштириради.
Маълумот учун, февраль ойида ПФЛ бош директори Диёр Имомхўжаев ўзининг телеграмдаги расмий саҳифасида Ўзбекистон футбол ҳакамлари марказини ташкил этиш таклифи маъқулланганлиги ҳақида ёзган эди.
Хабарда айтилишича, босқичма-босқич барча футбол мусобақаларига ҳакамларни жалб қилиш мана шу марказ орқали амалга оширилади.
Янгиликлар лентаси
0