Жамият

Тошкент метрополитени аҳолида қолган жетонларни мажбурий қайта сотиб олади

© МинтрансЖетон Ташкентского метрополитена
Жетон Ташкентского метрополитена - Sputnik Ўзбекистон, 1920, 15.04.2022
Обуна бўлиш
Yandex newsTelegram
Тошкент метрополитени 15 апрелдан бошлаб амал қилиш муддатида сотиб олинган ва аҳолида қолиб кетган жетонлар ўрнига пул ёки чипталар эвазига қайтиб олиши белгиланди.
ТОШКЕНТ, 15 апр - Sputnik. Истеъмолчилар ҳуқуқларини ҳимоя қилиш агентлиги “Toshkent metropoliteni”ДУКка жетонларни сотиб олиш бўйича кўрсатма берди.
Маълум бўлишича, 2022 йилнинг январь ойида Агентликка Тошкент шаҳрида истиқомат қилувчи В.Д.Краснов томонидан 20 донадан ортиқ харид қилган жетони қолиб кетгани ва ундан фойдаланишга улгурмагани бўйича мурожаат қилади. “Toshkent metropoliteni” ДУКка сотиб олинган метро жетонлари эвазига пулни қайтариш бўйича сўровлар юборилганига қарамай, орадан бир неча ой ўтса ҳамки, масала ҳал этилмайди.
Агентлик ўз ваколати доирасида 2022 йилнинг 16 мартидапул маблағларини истеъмолчига қайтариш ёки ўрнига QR-кодли чипталар кўринишида метрополитенда ҳаракатланиш учун амалдаги тўлов шаклларини ёки ягона транспорт карталарини жорий йилнинг 15 апрелидан бошлаб тақдим этиш тўғрисида бажарилиши мажбурий бўлган буйруқни чиқарди.
Эслатиб ўтамиз, метро кассаларида жетонлар савдоси 2020 йил 1 ноябрида йўл ҳақини тўлашнинг автоматлаштирилган тизими жорий этилиши муносабати билан тўхтатилган эди. Бироқ кейинчалик жетонлардан фойдаланиш 2020 йил 31 декабргача, сўнг 2021 йилнинг 1 декабригача бўлган муддатларга рухсат берилди.
Янгиликлар лентаси
0