Ҳодисалар

Жиззахдаги селда 4 киши қурбон бўлди - ФВВ

© PixabayСелевой поток
Селевой поток  - Sputnik Ўзбекистон, 1920, 20.04.2022
Обуна бўлиш
Yandex newsTelegram
Кучли ёғингарчилик оқибатида Жиззахнинг Бахмал, Фориш, Ғаллаорол ва Ш.Рашидов туманларида сел келди.
ТОШКЕНТ, 20 апр - Sputnik. Дастлабки маълумотларга кўра, Жиззахдаги селда 4 киши қурбон бўлган. Бу ҳақида ФВВ матбуот хизмати хабар қилмоқда.

Ёғингарчилик оқибатларини бартараф этиш жараёнида, дастлабки маълумотларга кўра, Фориш туманида 4 нафар фуқарони (1 нафар эркак, 3 нафар аёл) сел оқимлари оқизиб кетиш натижасида халок бўлганлиги аниқланди, - дейилган хабарда.

Эслатиб ўтамиз, бугун Жиззах вилоятининг Бахмал, Фориш, Ғаллаорол ва Ш.Рашидов туманларида кузатилган кучли ёғингарчиликлар оқибатида сел келди.
Ушбу табиий офат оқибатида, айрим аҳоли яшаш жойлари, ижтимоий соҳа обектлари, экин майдонлари сел оқимларидан зарарланди. Вилоят Фавқулодда вазиятлар бошқармаси ва унинг ҳудудий бўлимлари ходимлари воқеа жойига етиб бориб, ёғингарчилик оқибатларини бартараф этиш тадбирларини олиб бормоқда.
Маълумот учун, Жиззах вилоятининг "Ғаллаорол" метеорологик станциясида 2 соат 5 минут оралиғида 31.5 мм ёғин ёғган. Бу жуда кўп миқдор ва фавқулодда вазиятлар чиқарадиган даража ҳисобланади.
Янгиликлар лентаси
0