https://sputniknews.uz/20220425/megafon-toshkentda-ekomonitoring-tizimini-yaratishga-oid-loyiha-hamkoriga-aylanadi-24204269.html
“Мегафон” Тошкентда экомониторинг тизимини яратишга оид лойиҳа ҳамкорига айланади
“Мегафон” Тошкентда экомониторинг тизимини яратишга оид лойиҳа ҳамкорига айланади
Sputnik Ўзбекистон
Яқин вақт ичида Ўзбекистон пойтахтида комплекс экомониторинг тизими ишга тушади. 25.04.2022, Sputnik Ўзбекистон
2022-04-25T21:23+0500
2022-04-25T21:23+0500
2022-04-25T21:23+0500
жамият
тошкент
https://cdn1.img.sputniknews.uz/img/07e6/04/19/24199612_0:0:3159:1777_1920x0_80_0_0_0018c85dd0467d47d708c3a90ca2e72d.jpg
ТОШКЕНТ, 25 апр — Sputnik. Россиянинг “Мегафон” уяли алоқа оператори Тошкентда атроф-муҳитни муҳофаза қилиш бўйича дастурларни амалга оширишга ҳисса қўшади. Компания пойтахт ҳокимлиги билан “Иннопром. Марказий Осиё” халқаро саноат кўргазмаси доирасида келишув имзолади.“Мегафон” корпоратив ва давлат сегментларини ривожлантириш бўйича тижорат директори Эмин Антоняннинг сўзларига кўра, атроф-муҳит муҳофазаси бугунги кунда кўплаб мамлакатларда устувор масалалар қаторида туради. Табиатни муҳофаза қилиш соҳасидаги қонунчилик ривожланмоқда, саноат корхоналари салбий таъсирни камайтириш йўлларини излашмоқда. Замонавий рақамли ечимлар бу вазифани осонлаштиради – улар нафақат реал вақт режимида атроф-муҳит ҳолатини кузатиш, балки вазият ёмонлашган тақдирда тезкор чора кўриш имконини беради."Биз МегаФон билан ҳамкорликда улкан имкониятларни кўряпмиз. Ўзбекистон рақамлаштиришни тараққиётнинг устувор йўналишларидан бири сифатида белгилаган. Мисол учун, 2020 йилда "Рақамли Ўзбекистон-2030" ҳудудлар ва тармоқларни ўзгартириш стратегияси кучга кирди. Сўнгги икки йилда Тошкентда жуда катта ишлар қилинди ва МегаФон билан ҳамкорлик – бошланган ишнинг мантиқий давомидир", — дейди Тошкент ҳокимининг ахборот технологияларини жорий этиш бўйича ўринбосари Алексей Хен.“Мегафон”нинг Россия ҳудудларида муваффақиятли ишлаётган ечимлари орасида “Мегафон Экология таҳлилий” платформаси ҳам бор ва у атроф-муҳит таркибий қисмлари – ҳаво ва сув сифати баҳоларини акс эттириб боради, аномал кўрсаткичларни аниқлайди ва билдиришномаларни қулай форматда – электрон почта орқали, пуш-билдиришнома ёки SMS орқали юборади.Платформа автоматик режимда авария-қутқарув хизматларини ҳавода хавфли моддалар тарқалиши эҳтимолидан хабардор қилишга қодир ва экологик инсидентлар ва авария ҳолатларининг олдини олишга ёрдам беради.
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
2022
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Янгиликлар
uz_UZ
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
Sputnik Ўзбекистон
info@sputniknews-uz.com
+74956456601
MIA „Rosiya Segodnya“
жамият, тошкент
“Мегафон” Тошкентда экомониторинг тизимини яратишга оид лойиҳа ҳамкорига айланади
Яқин вақт ичида Ўзбекистон пойтахтида комплекс экомониторинг тизими ишга тушади.
ТОШКЕНТ, 25 апр — Sputnik. Россиянинг “Мегафон” уяли алоқа оператори Тошкентда атроф-муҳитни муҳофаза қилиш бўйича дастурларни амалга оширишга ҳисса қўшади. Компания пойтахт ҳокимлиги билан “Иннопром. Марказий Осиё” халқаро саноат кўргазмаси доирасида келишув имзолади.
“Яқин вақт ичида шаҳарда комплекс экомониторинг тизими ишга тушади. Томонлар Тошкентда атмосфера ҳавоси ҳамда атроф-муҳитнинг бошқа таркибий қисмлари ҳолатини доимий назорат қилишни таъминловчи рақамли ечимларни жорий этишга оид лойиҳани ҳамкорликда ишлаб чиқишга келишишди", - дейилган компания хабарида.
“Мегафон” корпоратив ва давлат сегментларини ривожлантириш бўйича тижорат директори Эмин Антоняннинг сўзларига кўра, атроф-муҳит муҳофазаси бугунги кунда кўплаб мамлакатларда устувор масалалар қаторида туради. Табиатни муҳофаза қилиш соҳасидаги қонунчилик ривожланмоқда, саноат корхоналари салбий таъсирни камайтириш йўлларини излашмоқда. Замонавий рақамли ечимлар бу вазифани осонлаштиради – улар нафақат реал вақт режимида атроф-муҳит ҳолатини кузатиш, балки вазият ёмонлашган тақдирда тезкор чора кўриш имконини беради.
“Мегафон” Россиянинг бир неча ҳудудларида, шунингдек, саноат корхоналарида экологик назорат тизимларини жорий қилиш бўйича ижобий тажрибага эга. Биз Тошкент ҳокимлигига ушбу муҳим масалани ҳал этишда ўз ишланмаларимиз ва тажрибамизни таклиф этишдан мамнунмиз", — таъкидлади Эмин Антонян.
"Биз МегаФон билан ҳамкорликда улкан имкониятларни кўряпмиз. Ўзбекистон рақамлаштиришни тараққиётнинг устувор йўналишларидан бири сифатида белгилаган. Мисол учун, 2020 йилда "Рақамли Ўзбекистон-2030" ҳудудлар ва тармоқларни ўзгартириш стратегияси кучга кирди. Сўнгги икки йилда Тошкентда жуда катта ишлар қилинди ва МегаФон билан ҳамкорлик – бошланган ишнинг мантиқий давомидир", — дейди Тошкент ҳокимининг ахборот технологияларини жорий этиш бўйича ўринбосари Алексей Хен.
“Мегафон”нинг Россия ҳудудларида муваффақиятли ишлаётган ечимлари орасида “Мегафон Экология таҳлилий” платформаси ҳам бор ва у атроф-муҳит таркибий қисмлари – ҳаво ва сув сифати баҳоларини акс эттириб боради, аномал кўрсаткичларни аниқлайди ва билдиришномаларни қулай форматда – электрон почта орқали, пуш-билдиришнома ёки SMS орқали юборади.
Платформа автоматик режимда авария-қутқарув хизматларини ҳавода хавфли моддалар тарқалиши эҳтимолидан хабардор қилишга қодир ва экологик инсидентлар ва авария ҳолатларининг олдини олишга ёрдам беради.
