Шимолий Корея ўз ядровий кучларини мустаҳкамлашда давом этади

© REUTERS / KCNAЛидер КНДР Ким Чен Ын рядом с межконтинентальной баллистической ракетой "нового типа"
Лидер КНДР Ким Чен Ын рядом с межконтинентальной баллистической ракетой нового типа - Sputnik Ўзбекистон, 1920, 26.04.2022
Oбуна бўлиш
Шимолий Корея етакчиси Корея Халқ Демократик Республикаси ҳарбий можаро бошлашга уринган ҳар қандай кучни йўқ қилишини айтди.
ТОШКЕНТ, 26 апр — Sputnik. Шимолий Корея ўз ядровий кучларини максимал тезликда мустаҳкамлашда давом этади, деди мамлакат етакчиси Ким Чен Ин душанба куни Корея Халқ армияси ташкил этилиши муносабати билан ўтказилган парадда. Бу ҳақда Шимолий Корея марказий телеграф агентлигига (ЦТАК) таяниб, “РИА Новости” хабар бермоқда.
“Биз КХДР эгаллаб турган ядровий кучларни максимал тезликда янада ривожлантириш ва мустаҳкамлаш чораларини кўрамиз”, - деди Ким.
Шимолий Корея раҳбарининг сўзларига кўра, мамлакат ядро қуролининг тўхтатувчи кучидан фойдаланишга ҳар қандай вақтда тайёр туришга ҳаракат қилмоқда.
“Жумладан, ҳарбий қудратимиз рамзи ва асоси бўлган ядровий кучларни ҳарбий тўқнашув юз берганда турли мақсадлардаги турли операцияларда қурол сифатида фойдаланиш ва ядровий қуролни амалга ошириш қобилиятини кўрсатиш учун ядровий кучларни миқдорий ва сифат жиҳатидан мустаҳкамлаш зарур”, - деб тушунтирди Шимолий Корея раҳбари.
Ким Чен Иннинг таъкидлашича, ядро қуролининг асосий вазифаси урушнинг олдини олиш бўлишига қарамай, уларнинг мақсадини шу билан чеклаб бўлмайди.
Шимолий Корея етакчиси ўз нутқи давомида Корея Халқ Демократик Республикаси ҳарбий можаро бошлашга уринган ҳар қандай кучни йўқ қилишини айтди.
“Ҳозир ҳарбий кучларимиз ҳар қандай жангга тайёр. Агар қандайдир куч бизнинг асосий манфаатларимизга тажовуз қилса, ядровий кучларимизнинг иккинчи кутилмаган функциясидан фойдаланмасликнинг иложи бўлмайди”, деган Ким Чен Ин.
Маълумот учун, 25 апрель куни тахминан соат 22:00 ларда Пхеньяндаги Ким Ир Сен майдонида ҳарбий парад бўлиб ўтган. Жанубий Корея матбуоти Пхеньян 20 мингга яқин аскар ва техникани сафарбар қилгани ҳақида хабар берган.
Парад машғулотларида 250 дан ортиқ техникалар, жумладан, “Хвасон-8” гипертовушли ракетаси, яқинда Пхеньян томонидан синовдан ўтказилган “Хвасон-17” қитъалараро баллистик ракетаси ва сув ости кемасидан учириладиган баллистик ракета иштирок этган.
Янгиликлар лентаси
0