Жамият

МДҲда рус тилини тарғиб қилиш бўйича халқаро ташкилот ташкил этилиши мумкин

© Sputnik / Сергей ПятаковУчебники для русскоязычных школ
Учебники для русскоязычных школ  - Sputnik Ўзбекистон, 1920, 28.04.2022
Обуна бўлиш
Yandex newsTelegram
Бундай тузилмани яратиш муҳимлиги ҳақида Қозоғистон раҳбари Қасим-Жомарт Тоқаев 2021 йил декабрида Россия президенти Владимир Путин билан учрашувда айтиб ўтган эди.
ТОШКЕНТ, 28 апр — Sputnik. Мустақил Давлатлар Ҳамдўстлигида рус тилини қўллаб-қувватлаш ва тарғиб қилиш бўйича халқаро ташкилот тузиш таклиф этилмоқда.
Бу ташаббус 27 апрель куни Ўзбекистон, Озарбайжон, Арманистон, Беларусь, Қозоғистон, Қирғизистон, Молдова, Россия, Тожикистон вакиллари иштирокида бўлиб ўтган йиғилишда муҳокама қилинди.
Бундай тузилмани яратиш муҳимлиги ҳақида Қозоғистон раҳбари Қасим-Жомарт Тоқаев 2021 йил декабрида Россия президенти Владимир Путин билан учрашувда айтиб ўтган эди.
“Ушбу лойиҳа МДҲдаги ҳамкорлар томонидан қизиқиш билан кутиб олинди. Хусусан, Россия Қозоғистон томонининг ташаббусини қўллаб-қувватлаган ҳолда, рус тилини тарғиб қилиш ва ривожлантириш бўйича яратилаётган халқаро тузилма ўз тамойилларини баҳам кўрадиган, рус тилидан фойдаланадиган халқ ва жамиятларни бирлаштирувчи барча давлатлар учун таянч платформага айланиши мумкинлиги таъкидланди. Манфаатдор томонлар билан биргаликда бундай халқаро тузилмани яратиш усулларини ишлаб чиқишга тайёрмиз”, – деди Ҳамдўстлик Ижроия қўмитаси раиси ўринбосари, Ижрочи котиби Бекетжон Жумаханов.
Бу масала эксперт гуруҳининг июнь ойида ўтказилиши режалаштирилган навбатдаги йиғилишида давом эттирилади.
"Хуш келибсиз!" Москвадаги биринчи ўзбек тили маркази - видео
Аввалроқ, Россия президенти Владимир Путин МДҲ мамлакатларида рус тилини ўрганишни қўллаб-қувватлаш даражаси етарли эмаслиги, шу боис бу соҳада қўшимча чоралар кўриш кераклигини айтган эди.
“Биз ушбу мамлакатларда рус тилини ривожлантиришга, рус тилини ўрганишни қўллаб-қувватлашга муносиб эътибор қаратишимиз лозим. Бугунги ишимиздан кўра кўпроқ нарсани қилиш мумкин ва қилиш керак”, - деган эди Путин.
Янгиликлар лентаси
0