Наришкин: Польша Украинанинг бир қисми устидан ўз назоратини ўрнатмоқчи

© Sputnik / Евгений Биятов / Медиабанкка ўтишДиректор Службы внешней разведки РФ Сергей Нарышкин
Директор Службы внешней разведки РФ Сергей Нарышкин - Sputnik Ўзбекистон, 1920, 28.04.2022
Oбуна бўлиш
Россия ташқи разведкаси хизмати Вашингтон ва Варшава Польшанинг Украинадаги “тарихий ерлари” устидан назорат ўрнатиш режаларини ишлаб чиқаётгани ҳақида маълум қилди.
ТОШКЕНТ, 28 апр — Sputnik. Вашингтон ва Варшава Польшанинг Украинадаги “тарихий ерлари” устидан назорат ўрнатиш режаларини ишлаб чиқмоқда. Бу ҳақда Россия ташқи разведкаси хизмати (ТРХ) директори Сергей Нарышкин маълум қилди.
“Россия ташқи разведкаси хизматига келиб тушаётган маълумотларга кўра, Вашингтон ва Варшава Польшанинг Украинадаги “ўзининг тарихий ерлари ” устидан зич ҳарбий-сиёсий назоратини ўрнатиш режаларини ишлаб чиқмоқда”, - дейилади унинг хизмат матбуот бюроси чоп қилган баёнотида.
Россия ТРХ маълумотларига кўра, Украинанинг ҳарбий вилоятларига Польша қўшинларининг “рус агрессиясидан ҳимоя қилиш” шиори остида киритилиши “қўшилишнинг” биринчи босқичи бўлиши керак. АҚШ президенти маъмурияти билан кутилаётган миссиянинг мақоми муҳокама қилинмоқда.
“Дастлабки келишувларга кўра, улар НАТО ваколатисиз, бироқ “хоҳловчи давлатлар” иштироки билан бўлиб ўтади.
Таъкидланишича, Варшава ҳозирча эҳтимолий ҳамфикрлари билан келиша олмаган.
Аввалроқ Польша бош вазири Матеуш Моравецкий Украина ўз ҳудудига “истаган кишисини”, жумладан, НАТО тинчликпарварларини таклиф қилиш ҳуқуқига эга эканини маълум қилган эди.
16 март куни эса Польша бош вазирининг миллий хавфсизлик масалалари бўйича ўринбосари Ярослав Качинский Украинага НАТОнинг тинчликпарвар кучларини юборишни таклиф қилган эди.
Россия ташқи ишлар вазири Сергей Лавров бунга муносабат билдириб, Украинада НАТО тинчликпарвар кучларини жойлаштириш Россия армияси ва алянс кучларининг тўғридан-тўғри тўқнашишига олиб келишидан огоҳлантирган эди.
Янгиликлар лентаси
0