Ўзбекистонга энг кўп автомобиль қайси давлатдан олиб келинди

© Sputnik / Максим Богодвид / Медиабанкка ўтишАвтомобили
Автомобили - Sputnik Ўзбекистон, 1920, 29.04.2022
Oбуна бўлиш
Енгил автомобиллар импорти ўтган йилнинг мос даври билан солиштирилганда 5 361 тага ёки 2,7 баробарга ошган.
ТОШКЕНТ, 29 апр — Sputnik. 2022 йилнинг январь-март ойларида Ўзбекистон 21 та хорижий давлатдан қиймати 189,3 млн АҚШ долларига тенг бўлган 8 508 та енгил автомобиль импорт қилган. Бу ҳақда Давлат статистика қўмитаси матбуот хизмати маълум қилди.
Хабардай қайд этилишича, енгил автомобиллар импорти ўтган йилнинг мос даври билан солиштирилганда 5 361 тага ёки 2,7 баробарга ошган.
Ўзбекистон енгил автомобилларни энг кўп импорт қилган давлатлар топ бешлиги:
Хитой – 4482 та;
Корея – 2101 та;
Қозоғистон – 1019 та;
Россия – 741 та;
АҚШ – 70 та.
Бундан ташқари, мамлакат Япония (27 та), Германия (23 та), Таиланд (10 та) БАА (9 та) ва Гонконг (7 та)дан ҳам енгил автомобиль импорт қилган.
Маълумот учун, сўнгги 4 йилда Ўзбекистонда автомобиль ишлаб чиқариш 1,8 баробар, экспорт ҳажми эса 2,7 баробар ўсди. Бироқ, бу маҳаллий автомобиллар учун узун навбатлардан халос бўлишга ёрдам бермади.
Бироз олдин автосаноатни ривожлантириш бўйича ўтказилган мажлисда, президент Шавкат Мирзиёев 1 майга қадар навбатлардан халос бўлишни топширган эди. Бунинг учун биринчи ярим йилликда корхона камида 160 минг дона, йил охирига қадар эса 275 минг дона автомобиль ишлаб чиқариши керак.
Бундан ташқари, мутасадди идоралар томонидан импорт қилинадиган автомобиллар учун божхона тўловларини 30 фоиздан 15 фоизга, автомобиль нархини камида 5 фоизга, UzAuto Motors маҳсулотлари учун олдиндан тўловни 85 фоиздан 50 фоизга камайтиришга қарор қилинди.
Янгиликлар лентаси
0