Маҳаллий сайёҳларга кешбэк қандай қайтарилади – тафсилотлар

© Sputnik / Утарбеков / Медиабанкка ўтишКомплекс старой крепости Куня Арк
Комплекс старой крепости Куня Арк - Sputnik Ўзбекистон, 1920, 04.05.2022
Oбуна бўлиш
Ички саёҳатни амалга оширган ўзбекистонликларга харажатларнинг маълум миқдори қоплаб берилади.
ТОШКЕНТ, 4 май — Sputnik. Ўзбекистонда 2022 йил 1 сентябрдан бошлаб маҳаллий сайёҳлар учун ички саёҳатларни амалга ошириш харажатларининг бир қисмини қайтариш, яъни “Cashback” тартиби жорий этилади. Президент тегишли қарорни имзолади.
Саёҳат харажатларини қайтариш ички саёҳатларни режалаштириш ва маблағларни қайтариш ҳамда “Ўзбекистон бўйлаб саёҳат қил!” дастури доирасида тақдим қилинадиган чегирмалар, тайёр туристик пакетларни мустақил шакллантиришни назарда тутувчи электрон платформа, шу жумладан, унинг мобиль иловаси орқали амалга оширилади.
Саёҳат харажатларини қайтариш саёҳат қилиш давомида бир вақтнинг ўзида қуйидагилар назарда тутилганда амалга оширилади:
авиа, темир йўл ва (ёки) автомобиль транспортидан фойдаланиш;
жойлаштириш воситалари хизматларидан фойдаланиш;
маданият ташкилотларига ташриф буюриш;
Саёҳат харажатларини қайтариш ҳар бир туристга қуйидаги миқдорларда амалга оширилади:
авиақатнов орқали бориб-келиш чиптаси нархининг 15 фоизи, лекин 150 минг сўмдан ошмаган миқдорда;
темир йўлда ёки автобусда бориб-келиш чиптаси нархининг 15 фоизи, лекин 80 минг сўмдан ошмаган миқдорда;
жойлаштириш воситасида тунаб қолиш харажатининг 15 фоизи, лекин 80 минг сўмдан ошмаган миқдорда;
театр, музей, цирк ва бадиий галереяларга ҳар бир ташриф чиптаси нархининг 50 фоизи, лекин 20 минг сўмдан ошмаган миқдорда;
Саёҳат харажатлари фақатгина платформа орқали амалга оширилган ички саёҳатлар учун унинг якуни билан маҳаллий туристларнинг банк карталарига қайтарилади.
Харажатлар ҳаққонийлиги Давлат солиқ қўмитасининг махсус мобиль иловаси (SoliqUz) билан интеграция қилинган ҳолда текширилади. Харид чекининг матрицали штрих кодини (QR-код) ва маҳаллий туристларнинг доимий яшаш жойларини кўрсатиш орқали саёҳатлар рўйхатдан ўтказилади.
Молия вазирлиги жорий йилда кешбэк дастури учун жами 30 миллиард сўм ажратади.
Ўзбекистонда пляж зоналари ташкил этилади
Янгиликлар лентаси
0