Сиёсат

Ўзбекистон ТИВ раҳбари ШҲТ бош котиби билан учрашди

© Фото: МИД УзбекистанаИ.о. министра иностранных дел Узбекистана Владимир Норов провел встречу генеральным секретарем ШОС Чжан Мином
И.о. министра иностранных дел Узбекистана Владимир Норов провел встречу генеральным секретарем ШОС Чжан Мином - Sputnik Ўзбекистон, 1920, 16.05.2022
Обуна бўлиш
Yandex newsTelegram
Суҳбат чоғида Ўзбекистон билан ШҲТ ўртасидаги кўп қиррали ҳамкорликнинг ҳолати ва истиқболлари муҳокама қилинди.
ТОШКЕНТ, 16 май — Sputnik. Ўзбекистон Республикаси Ташқи ишлар вазири вазифасини бажарувчи Владимир Норов мамлакатга ташриф билан келган Шанхай Ҳамкорлик Ташкилоти (ШҲТ) бош котиби Чжан Мин билан учрашди,
ТИВ матбуот хизмати хабарига кўра, бўлиб ўтган суҳбат чоғида Ўзбекистон билан ШҲТ ўртасидаги кўп қиррали ҳамкорликнинг ҳолати ва истиқболлари муҳокама қилинди.
Ўзбекистоннинг ШҲТга раислигидаги тадбирларга тайёргарлик кўриш ва ўтказиш билан боғлиқ масалалар юзасидан фикр алмашилди. Томонлар Ўзбекистон раислигида ташкилотнинг шу кунгача 40 дан ортиқ тадбирлари муваффақиятли ўтказилганини қайд этди ҳамда жорий йилнинг май-сентябрь ойларига мўлжалланган юқори даражадаги учрашувларнинг ташкилий масалалари ва кун тартибини муҳокама қилдилар.
Таъкидланишича, Ўзбекистон ташаббуси билан ШҲТ доирасидаги ҳамкорликнинг янги йўналишлари йўлга қўйилган бўлиб, улар Ташкилот кун тартибини замонавий воқеликни ҳисобга олган ҳолда бойитишга хизмат қилмоқда. Хусусан, ШҲТга аъзо давлатларнинг ахборот-коммуникация технологиялари, камбағалликни қисқартириш масалалари бўйича илк бор вазирлар йиғилишлари ташкиллаштирилди. 17 май куни эса Тошкент шаҳрида ўсимликлар карантини бўйича масъул идоралар раҳбарларининг биринчи йиғилиши бўлиб ўтади.
ШҲТ бош котиби асосий воқеа – 2022 йил 15-16 сентябрь кунлари бўлиб ўтадиган ШҲТга аъзо мамлакатлар давлат раҳбарлари кенгашининг мажлисига тайёргарлик кўриш, Самарқанд саммитини мазмунан бойитиш бўйича амалга оширилаётган кенг кўламли ишларни юксак баҳолади.
Томонлар бўлажак саммит доирасида имзоланиши режалаштирилган ҳужжатларни келишиш жараёнини тезлаштириш бўйича фаол саъй-ҳаракатларни давом эттириш зарурлигини таъкидладилар.
ШҲТ фаолиятини янада ривожлантириш, унинг халқаро майдондаги нуфузини ошириш юзасидан фикр алмашилди.
Музокараларда халқаро ва минтақавий кун тартибининг айрим масалалари, жумладан, Афғонистондаги мавжуд вазият ҳам кўриб чиқилди.
Янгиликлар лентаси
0