Россия озиқ-овқат инқирозини ҳал қилишга ўз ҳиссасини қўшиши мумкин - Путин

© Sputnik / POOL / Медиабанкка ўтиш Президент РФ Владимир Путин
 Президент РФ Владимир Путин - Sputnik Ўзбекистон, 1920, 27.05.2022
Oбуна бўлиш
Дунёда озиқ-овқат хавфсизлиги билан боғлиқ вазият АҚШ ва Европа Иттифоқи томонидан киритилган Россияга қарши чекловлар туфайли кескинлашди - Путин.
ТОШКЕНТ, 26 май — Sputnik. Дунёда озиқ-овқат хавфсизлиги билан боғлиқ муаммолар АҚШ ва ЕИ томонидан Россияга қарши санкциялар туфайли кескинлашди, деди Россия президенти Владимир Путин Италия бош вазири Марио Драги билан суҳбатда. Суҳбат тафсилотларини Кремль матбуот хизмати эълон қилди.
“Вазият АҚШ ва Европа Иттифоқи томонидан киритилган Россияга қарши чекловлар туфайли кескинлашди. Бироқ, агар Ғарб Россиядан сиёсий сабабларга кўра чекловларни олиб ташласа, мамлакат ғалла ва ўғит экспорти орқали озиқ-овқат инқирозини енгиб чиқишга катта ҳисса қўшишга тайёр”, деган Путин.
Суҳбат чоғида Путин Россияни жаҳон бозорларига қишлоқ хўжалиги маҳсулотларини етказиб бериш билан боғлиқ муаммоларда асоссиз айбланаётганини ҳам таъкидлади. Унинг сўзларига кўра, юзага келган қийинчиликлар, жумладан, ишлаб чиқариш ва логистика занжирлари фаолиятидаги носозликлар пандемия даврида Ғарб давлатларининг молиявий сиёсати билан боғлиқ.
“Энергетика хавфсизлиги масалалари муҳокама қилинаётганда Россия томонининг шартномаларда белгиланган нархларда Италияга табиий газни узлуксиз етказиб беришни давом эттириш тайёрлиги тасдиқланди”, дейилади хабарда.
Янгиликлар лентаси
0