Ҳодисалар

Самарқанддаги тўйда оммавий заҳарланиш содир бўлди

© Sputnik / Рамиз БахтияровМашина скорой помощи
Машина скорой помощи - Sputnik Ўзбекистон, 1920, 01.06.2022
Обуна бўлиш
Yandex newsTelegram
Жомбой туманидаги тўйга борган 19 киши оммавий заҳарланган. Шулардан 5 нафари тиббиёт бирлашмасида даволанмоқда.
ТОШКЕНТ, 1 июн — Sputnik. Самарқанд вилоятида тўйда овқатдан заҳарланган фуқаролар юзасидан расмий маълумот берилди.
Вилоят ИИБ ахборот хизмати раҳбари Жаҳонгир Сагдуллаевнинг маълум қилишича, Жомбой туманида яшовчи 19 фуқаро тиббиёт бирлашмаларига тўй базмида овқатдан заҳарланганликларини айтиб мурожаат қилишган.
“Шулардан 14 нафари соғлигининг ҳолати қониқарли эканлиги сабабли амбулатор шароитда даволанишга юборилган. 5 нафари тиббиёт бирлашмасида даволанмоқда”, - дейилган хабарда.
Ҳолат юзасидан терговга қадар текширув ҳаракатлари олиб борилмоқда.
Вилоят ИИБ 200 нафаргача киши заҳарлангани ҳақида хабар қилган айрим телеканалларнинг маълумотларини рад этган. Бу хабарлар юзасидан ҳам текширув тайинланган.
Тошкент вилоятида қарийб 50 киши музқаймоқдан заҳарланди
Янгиликлар лентаси
0