Давлат Консерваториясининг бир гуруҳ профессор ва ўқитувчилари мукофотланди
11:38 11.06.2022 (янгиланди: 09:34 12.06.2022)
Oбуна бўлиш
Давлат консерваторияси ташкил этилганининг 85 йиллиги муносабати билан президент 25 нафар профессор ва ўқитувчилардан мукофотлаш тўғрисида фармон қабул қилди.
ТОШКЕНТ, 11 июн - Sputnik. Ўзбекистон президенти Шавкат Мирзиёев Давлат Консерваториясининг бир гуруҳ профессор ва ўқитувчиларини орден ва медаллар билан тақдирлади.
Мукофотларни Бош вазир Абдулла Арипов Консерватория ташкил этилганининг 85 йиллиги муносабати билан бўлиб ўтган тантанали байрам тадбирида топширди.
Концерт, посвященный 85 –летию Государственной консерватории Узбекистана
"Ўзбекистон Республикасида хизмат кўрсатган артист" фахрий унвони билан: Файзиева Мадина Мухсиновна - махсус фортепиано кафедраси мудири;
"Ўзбекистон Республикасида хизмат кўрсатган ёшлар мураббийси" фахрий унвони билан: Абдуллаева Инна Анваровна - фортепиано ижрочилиги кафедраси профессори, Мухамедова Галина Иминовна - академик хонандалик ва опера тайёрлови кафедраси профессори;
"Ўзбекистон Республикасида хизмат кўрсатган маданият ходими" фахрий унвони билан: Галушенко Ирина Георгиевна - мусиқа тарихи ва танқиди кафедраси профессори, Мансуров Аваз Максудович - Б.Зокиров номидаги Миллий эстрада санъати институти ректори;
"Фидокорона хизматлари учун" ордени билан Абдурахимова Фируза Равшановна - оркестр дирижёрлиги кафедраси профессори, Ризаева Мукадас - академик хонандалик ва опера тайёрлови кафедраси профессори;
Концерт, посвященный 85 – летию Государственной консерватории Узбекистана
Шунингдек Консерваториянинг яна уч нафар ходими "Меҳнат шуҳрати" ордени билан, икки нафар ходими II даражали "Соғлом авлод учун" ордени билан, беш нафар ходими "Дўстлик" ордени билан, уч нафар ходими "Содиқ хизматлари учун" медали билан, бир нафар ходими "Келажак бунёдкори" медали билан ҳамда тўрт нафар ходими "Шуҳрат" медали билан мукофотланди.
Маълумот учун, Тошкент давлат консерваторияси 1936 йилда очилган. Дастлабки йилларда Москва консерваториясидан Ўзбекистонга юборилган таниқли ўқитувчилар: Виктор Зуккерман, Лев Данилевич, Юрий Фортунатовлар ишладилар. Россия мусиқа арбобларининг иккинчи тўлқини Улуғ Ватан уруши йилларида эвакуация пайтида Тошкентга келган. Бу ушбу таълим даргоҳининг шаклланишига ва Ўзбекистонда мусиқа фанининг ривожланишига хизмат қилди. Бугунги кунда Консерватория жаҳон саҳналарида куй ва қўшиқлар ижро этаётган кўплаб таниқли артистларни етиштириб чиқарган.
Концерт, посвященный 85 – летию Государственной консерватории Узбекистана
