Қишлоқ хўжалиги вазирлигига ер деградациясига қарши курашишга оид вазифалар юклатилди

© Sputnik / Сергей ПивоваровСтарт массовой посевной кампании
Старт массовой посевной кампании - Sputnik Ўзбекистон, 1920, 12.06.2022
Oбуна бўлиш
Президент қарори билан Ерлар деградацияси жараёнлари билан курашиш масалалари бўйича департамент ташкил этилди.
ТОШКЕНТ, 12 июн — Sputnik. “Ерлар деградациясига қарши курашишнинг самарали тизимини яратиш чора-тадбирлари тўғрисида”ги президент қарори қабул қилинди.
Қарор билан Қишлоқ хўжалиги вазирлигига ерлар деградациясига қарши курашиш масалалари бўйича бир қатор қўшимча вазифалар юклатилди.
Вазирлик, жумладан:
ерлар деградацияси жараёнлари билан курашиш соҳасида ягона давлат сиёсатини юритади;
ушбу соҳада давлат дастурлари ва истиқболга мўлжалланган стратегияларни ишлаб чиқади ҳамда уларни амалга оширишда иштирок этувчи вазирлик ва идоралар фаолиятини мувофиқлаштиради;
ерлар деградацияси ва чўлланиши, шу жумладан ерларни тиклаш, рекультивация ва мелиорация тадбирлари, яйловлардан алмашлаб фойдаланиш, уларни сақлаш ва фитомелиорациялаш, қишлоқ хўжалиги экинларини алмашлаб экиш, ўрмонлар ва иҳотазорлар барпо қилиш жараёнлари мониторингини юритади;
ерлар деградациясига қарши курашиш ишларини олиб боришга масъул корхона, муассаса, ташкилотлар раҳбарлари ва бошқа мансабдор шахслар учун бу бўйича бажарилиши мажбурий бўлган кўрсатмалар беради.
Шунингдек, қарор билан Қишлоқ хўжалиги вазирлигида Ерлар деградацияси жараёнлари билан курашиш масалалари бўйича департамент ва ҳудудларда Ерлар деградациясига қарши курашиш бўлимлари ташкил этилди.
Янгиликлар лентаси
0