Жамият

Янги таҳрирдаги “Почта алоқаси тўғрисида”ги қонун кучга кирди. Нималар ўзгарди

© Depositphotos / PuhhhaДевушка получает посылку
Девушка получает посылку - Sputnik Ўзбекистон, 1920, 12.06.2022
Обуна бўлиш
Yandex newsTelegram
Ҳужжат билан почта алоқаси операторлари, провайдерлари ва фойдаланувчиларнинг ҳуқуқ ва мажбуриятлари, фойдаланувчиларга етказилган зарар ўрнини қоплаш тартиби белгиланган.
ТОШКЕНТ, 12 июн — Sputnik. Президент Шавкат Мирзиёев 9 июнь куни янги таҳрирдаги “Почта алоқаси тўғрисида”ги қонунни имзолади. Бу ҳақда Адлия вазирлиги хабар қилди.
Қонунга мувофиқ почта алоқаси соҳасида қонунчиликка риоя этилиши устидан давлат назоратини Ўзкомназорат (илгари Вазирлар Маҳкамаси) амалга оширади.

Қонун билан қонунчиликка посилка, почта курьери каби тушунчалар киритилди. Почта хизматлари почта алоқаси операторлари ва провайдерлари томонидан почта, курьерлик хизматлари ҳамда бошқа турдаги почта хизматлари тарзида шартнома асосида кўрсатилади.
Фойдаланувчиларнинг манзилига оид маълумотлар, почта ва курьерлик жўнатмалари ҳамда уларнинг таркиби тўғрисидаги ахборот, почта алоқаси операторлари ҳамда провайдерларининг фаолияти соҳасига кирадиган бошқа хабарлар, шунингдек ушбу почта ва курьерлик жўнатмаларининг ўзи почта алоқасининг сирини ташкил этади.
Почта алоқаси операторлари ва провайдерлари почта хизматларини кўрсатиш бўйича мажбуриятларни бажармаганлик учун фойдаланувчиларга етказилган зарарларнинг ўрнини қоплайди.
Почта ва курьерлик жўнатмаси топширилмаганлиги, ўз вақтида етказиб берилмаганлиги ёки йўқотилганлиги, бузилганлиги (шикастланганлиги) ёхуд ўтказилган пул маблағлари тўланмаганлиги билан боғлиқ эътирозлар почта ва курьерлик жўнатмаси топширилган кундан эътиборан 6 ой ичида тақдим этилади.
Почта хизматларидан фойдаланувчилар почта алоқаси хизматларининг бошқа фойдаланувчиларига, почта алоқаси операторлари ёки провайдерларига етказилган, жўнатилиши тақиқланган предметлар ва моддаларни почта ва курьерлик жўнатмаларига жойлаш натижасида ёки улар лозим даражада ўралмаганлиги натижасида юзага келган зарар учун белгиланган тартибда жавобгар бўлади.
Қонун имзоланган кундан бошлаб кучга кирди
Янгиликлар лентаси
0