Спорт

Диёрбек Эрматов оғир атлетика бўйича ЖЧда 3 та медалга сазовор бўлди

© Фото: НОК УзбекистанаДиёрбек Эрматов
Диёрбек Эрматов - Sputnik Ўзбекистон, 1920, 15.06.2022
Обуна бўлиш
Yandex newsTelegram
Ўсмирлар ўртасидаги Жаҳон чемпионатида ўзбекистонлик Диёрбек Эрматов иккита кумуш ва битта бронза медалини қўлга киритди.
ТОШКЕНТ, 15 июн — Sputnik. Мексиканинг Леон шаҳрида бўлиб ўтаётган оғир атлетика бўйича ўсмирлар ўртасидаги Жаҳон чемпионатида ўзбекистонлик Диёрбек Эрматов иккита кумуш ва битта бронза медалини қўлга киритди. Бу ҳақда Миллий олимпия қўмитаси матбуот хизмати хабар бермоқда.
-73 кг вазн тоифасида иштирок этган Эрматов даст кўтаришда 133 кгни ўзига бўйсундириб, кумуш медални қўлга киритган бўлса, силтаб кўтаришда эса 157 кг тошни кўтариб, бронза медалига сазовор бўлди.
Икки машқ якуни бўйича умумий ҳисобда 290 (133+157) кг натижа кўрсатган Диёрбек Эрматов қозоғистонлик оғир атлетикачи Едиге Ембердига 306 (134+172) кг имкониятни бой бериб, кумуш медални қўлга киритди. Учинчи ўринни канадалик Брайан Ибанез эгаллади — 288 (132+156) кг.
Мусобақада дунёнинг 40 га яқин давлатидан 200 нафардан ортиқ спортчи иштирок этмоқда.
Янгиликлар лентаси
0