Иқтисод

Ўзбекистон ташқи қарзи камайди - МБ

© Sputnik / Зафар ХалиловТашкент. Центральный банк Узбекистана
Ташкент. Центральный банк Узбекистана - Sputnik Ўзбекистон, 1920, 24.06.2022
Обуна бўлиш
Yandex newsTelegram
2022 йилнинг I чорагида геосиёсий вазият туфайли янги қарз жалб қилиш секинлашган.
ТОШКЕНТ, 24 июн — Sputnik. Ўзбекистон умумий ташқи қарзи 721,5 млн долларга (1,8 %) қисқарди. Бунинг натижасида 1 апрель ҳолатига ташқи қарз 38,8 млрд долларни ташкил этмоқда. Бу ҳақда Марказий банк хабар берди.
Қайд этилишича, шу йилнинг I чорагида жаҳонда геосиёсий вазият таъсирида давлат ва хусусий сектор томонидан янги қарз жалб қилиш секинлашган.
Асосий қарз бўйича тўловларнинг амалга оширилиши ташқи қарз қолдиғида акс этди.
Давлат ташқи қарзи
I чоракда давлат ташқи қарзи соф камайиши, курслар ва нархлар ўзгаришини инобатга олганда 1,5 фоизга ёки 345,4 млн долларга қисқариб, ҳисобот даври охирига 23,4 млрд долларга тенг бўлди.
Ушбу даврда давлат томонидан 281 млн доллар миқдорида қарздорлик жалб қилинган. Бу ўтган йилнинг мос даврига нисбатан 68 млн долларга кам.
Хусусий ташқи қарз
1 апрель ҳолатига хусусий ташқи қарз 15,5 млрд доллар бўлиб, шу йилнинг бошига нисбатан 2 фоизга ёки 376,0 млн долларга қисқариш кузатилди.
I чоракда хусусий сектор томонидан жалб қилинган қаздорлик 1,2 млрд долларга тенг бўлди.
Банклар - 389 млн доллар;
Тоғ-кон ва металургия саноати - 217 млн доллар;
Нефтгаз ва энергетика секторидаги корхоналар - 171 млн доллар;
Бошқа секторлар - 455 млн доллар.
Эслатиб ўтамиз, март ойида 20 млн долларлик хорижий валютадаги мамлакат давлат қарзининг бир қисми миллий валютадаги қарзга ўгирилганди.
Янгиликлар лентаси
0